(BHK轉載7)【Vote for Hong Kong 2024 做乜㗎？（ 上）】
2024 年將會係 BN（O）計畫生效後首屆英國國會大選，亦係港人社群擴大政治影響力嘅重要時機，令各黨派更重視我哋對唔同議題嘅取態。接下來，Vote for Hong Kong（V4HK）團隊希望可以喺呢篇文闡述嚟緊嘅目標，令大家更加了解我哋嘅計畫。
1. 鼓勵在英港人參與政治
從 2019 年反修例運動至今，眨眼間過去咗四個寒暑。部分移英港人已經喺英國重新出發，即使明白理應要參與本地社會事務，亦難免會受日常瑣事煩擾，無暇參與政治活動。然而，政治乃眾人之事，無論喺香港或者英國，政治都總會影響到大家嘅生活同權益：大家嘅強積金攞唔攞得返？仔女大學讀書要畀幾錢學費？今次大選正正係最好嘅時機，畀熱愛民主自由嘅大家，就呢啲議題發聲。
另一邊廂，唔少人可能對社區事務滿腔熱忱，但礙於不諳英國嘅政治生態而無從入手。V4HK 會舉辦一系列公民教育活動，提高在英港人對本地政治嘅認識，從而方便更多港人參與公民社會同政治事務。
2. 梳理在英港人政治訴求
由最貼身嘅民生議題，例如中小學學位同埋醫療，到國防外交，以至對華對港政策，大家關心嘅事有好多，而每一樣都可以係同各位候選人提出嘅訴求。
各政黨目前對港人關心嘅議題取態不明，欠實質嘅承諾同回應，而原因之一就係主流政客唔瞭解在英港人嘅訴求。所以，V4HK 團隊成立嘅其中一個目的，就係為咗梳理同明確在英港人嘅訴求，等我哋遊說唔同政黨時目標更加清晰，更有力判斷各大黨有冇回應到呢啲訴求。
#Vote4HK
#一票在手 #以民主撐民主
#2024英國大選
***
有份英國聯署要求制裁香港官員，快啲加入!
加入聯署一個仲會宣傳抗爭活動嘅英國TG公海
加入TG公海BHK Support 🗳Vote for Hong Kong 2024 UK🗳
