#丘國新暫委裁判官
#20230427荔枝角 #20230416荔枝角 #審訊 [1/1]
古思堯(77) 
因另案已還押7日控罪：（傳票）
(1) 阻塞逃生途徑
(2) 没有遵從消除火警危險通知書
古無律師代表
===========
[09:36] 開庭
控方指兩張傳票係不同案件，由兩位主控處理。
先處理 #20230427荔枝角
裁判官問古有無睇過文件，古回答在荔枝角還押中，控方指已經在11月7日(還押前)用掛號形式寄咗畀咗被告，被告確認，稱睇過文件。
主控讀出控罪詳情，在2023年4月27日，在青山道588~592號永盛工業大廈一樓平台，擺放兩堆雜物，阻礙走火通道。
古不認罪
控方有一名證人，一份口頭招認文件，照片和草圖。
案件押後。
—————
#20230416荔枝角
在2023年4月16日未有遵從消防署在4月10日發出的，在指定限期內消除火警危險的通知書。
古不認罪
控方有兩名證人，照片、草圖、通知書和收據。
裁判官問古有咩抗辯理由，古稱正在清理物件，因傷口流血入院，無人通知他或他的朋友，出院後，消防署和管理處已經清走物件，令他損失幾萬元工具和$9000現金。
裁判官查問法例有無合理辯解，控方指無。
案件押後，法庭處理另一宗交通案件。
—————
[09:52] 開始審訊 #20230427荔枝角
裁判官向古講述先處理可以同意嘅證物：
招認文件——古對招認文件無爭議，同意當時無人作出打、嚇、氹。
相片——裁判官解釋相片呈堂嘅意思係相片由拍攝至呈堂，期間無被修改過，古同意。
草圖——反映大概建築物位置，不按比例，古同意。
控方呈上現場的筆錄文件，相片和草圖。
古申訴雜物不單止係佢嘅，有管理公司、清潔公司嘅，消防話如果無人投訴係唔會處理，點解唔告其他人，係針對性檢控。
裁判官話法庭係被動嘅，控方檢控邊個，法庭無權過過問。
因古無律師，裁判官解釋主問、盤問等審訊程序，如古有問題，裁判官會解釋，但唔會教古如何進行。
傳召PW1 消防隊長 張國朝
控方主問證人在2023年4月27日任職九龍安全巡查專隊，做巡查和執法工作，當日10:40去到青山道588號永盛工業大廈做巡查工作，同行有另一消防隊長和一消防隊目，在一樓近13號室嘅樓梯平台，發現兩樣物件，物件一係一堆雜物，大小 3.8米長、1.1米闊、1.1米高，物件二係一個木箱和雜物，木箱大小 0.6米長、0.8米闊、0.7米高，物件阻塞走火通道，證人影咗四張相，第一二張相係物件一，第三四張相係物件二；返到消防局後把相片燒錄成光碟，並入證物袋封存，無人修改過。
主控叫證人講述草圖中的物品位置。
巡查期間遇見一名男子，他表示物件一二係由佢擺放出嚟；裁判官問古對身份有無爭議，回答無，證人在庭上認出古，以下作供改稱被告，證人出示委任證，要求被告出示身份證，10:43 向佢作出警誡，懷疑干犯香港法例第95F章，所以作出警誡，「唔係事必要你講，除非你自己想講，你講嘅嘢可能用筆寫低，同埋用嚟做證供」。
Q1: 呢啲嘢係邊個擺放？
A1: 我擺放
Q2: 呢啲嘢係幾時放？
A2: 今朝放
Q3: 呢啲嘢係屬於邊個？
A3: 屬於我嘅
Q4: 點解放喺度？
A4: 執緊嘢
Q5: 有無嘢要補充？
A5: 無
[10:50] 控方表示主問完畢，裁判官稱控罪字眼和證供有出入，控罪指木箱，證供指木箱和雜物。
主控引導證人解釋，當時帶被告到物件二前面，要求被告指出邊啲物件屬於佢，佢指出當中最底嘅木箱係屬於佢。
[10:53]
裁判官叫古作盤問古稱兩件事法庭未有處理：
(1) 消防署和管理處已經清走物件，令他損失幾萬元工具和放在工具箱內的$9000現金；
(2) 無通知被告或其朋友，如果有通知，古會處理。
證人講嘅嘢係啱嘅，無嘢盤問。
裁判官問控方：「我有無嘢需要知道，你明我講咩」，主控回答無。
裁判官問古有無無需答辯陳辭，古申請休息5分鐘處理傷口，法庭批准。
辯方中段陳辭古在永盛工業大廈20幾年，唔同程度，不同住戶都有擺放雜物，管理處有，私人員工有，擺放在不同地方，我在公眾地方擺放一支牙籤都唔得；消防署講得好清楚，其他人無投訴，係唔會處理；有講過在清理中，過程中傷口流血入咗醫院，所以無清理，工具箱內有現金俾人攞走咗，已經報咗警，在西九龍法院索償；係違反咗消防條例，但要公平公正，可以通知我朋友清走，唔會失去$9000，譴責消防處。
裁判官表示有聆聽被告嘅陳詞，但講嘅都係題外話，裁定表面證供成立。再向古解釋程序，他可以選擇上證人台作供，在犯人欄講嘅只是陳詞。
古選擇不作供，無辯方證人，採納剛才講嘅為結案陳詞，無補充。
裁判官把案件押後至下午16:00裁決。
—————
[11:17] 開始審訊 #20230416荔枝角
控方呈上一張在4月10日影嘅相，和一張在4月16日影嘅相；在4月16日已經送達咗4月10日嘅「消除火警危險通知書」，物件仍然無搬離。
古同意相片、草圖、通知書和收據呈堂。
傳召 PW1 消防隊長 張振聲 控方主問2023年4月10日駐守長沙灣消防局，8點(聽唔到早上或晚上)去到永成工業大廈巡查，有另一消防隊長一齊，去到2樓X號室近後樓梯公共走廊，發現一堆雜物和木傢俬，遇到一名男子，叫佢出示身份證，知道係古，承認物品係佢擺出嚟，屬於佢嘅，有火警危險，消防條例第95F章，指係實質上增加火警或其他災難可能性，影咗兩張相，P1如實反映當時情況，返到消防局燒錄成光碟並封存，數碼檔案上傳只系統，相片無被修改。
第一張相中嘅木傢俬和雜物會構成火警危險，第二張相係雜物，古承認木傢俬和雜物係佢嘅，佢擺出嚟，證人向古發出一張消除危險通知書，通知書講咗物件和位置，指擺放雜物在逃生途徑，引致增加火警發生危險。按通知書要在二十四小時內移除。
—————
[12:13] 小休之後，裁判官指兩宗案件係完全獨立，他已聽取上一單案的證供，為免給人感覺，會張證供帶落下一單，有不公平之處，決定終止審訊，案件會從新排期，由另一位裁判官處理。
案件押後至2024年1月9日09:30，同在九龍城裁判法院第六庭作一日審訊。
========
直播員按：擺明係選擇性執法，19年受人擁護嘅消防都淪為政治打手
