最初一個月住Airb&b ,到步第二日已經去agents 找地方，好在預到好agents，佢哋話放心一定幫我哋搵到，由於屋主要整理間屋，我間Airbnb 又無期，要係酒店住咗10日，後來搬咗屋就決定去這間酒店做
見工唔駛10分鐘已經約咗第二日上班執房，利申我本身畢業後只是做寫字樓工作，生咗小朋友有工人姐姐幫手，最初第一日返工連吸塵機都唔識用，好在洒店小妺妹都好好教我，我用一星期已經可以自己獨立運作，我做咗酒店三個月就開始考慮將來，最後在酒店做咗九個月，最後一日花都收咗三扎，又禮物又朱古力，好感動
做咗三個月開始諗下寫字樓工在英國比較難搵，年紀越大藍領工作就可能能力唔夠，最後我選擇接管一間郵局，好在BNO 護照都可以申請，由interview training 申請DBS都攪咗6個月，其間面對好多問題，又要返洒店工，我自己足足瘦咗20多磅，最後我做咗sub-postmaster ,我老公英文唔叻，但現在日日舖頭幫手，佢都申請到postmaster ，英文進步神速
雖然我哋兩公婆連最低工資都出唔到比自己，但有一個穩定收入，可以幫社區老人家交各項費用，銀行服務＇所以街坊都感謝我哋香港人咁勤力，朝早7:00開舖，下午5:30收工，我哋有時間可以接送女兒上學，鋪頭有二個英國人partime，其實佢哋覺得我哋太勤力
我希望各位香港人加油，大家一齊做好自己，英國人普遍覺得我哋係自己人，又勤力又醒目
https://www.facebook.com/groups/4070757 ... k&exp=9594
