黃偉文奪Chill Club年度填詞人 稱想念香港、走難會帶走廣東歌

[emily]

黃偉文奪Chill Club年度填詞人 稱想念香港、走難會帶走廣東歌
https://bit.ly/3UWwUnW

ViuTV主辦的《Chill Club 推介榜年度推介23/24》頒獎典禮今晚舉行。年度填詞人由黃偉文（Wyman）奪得，是他連續第4年奪得該獎項。已移民英國的黃偉文稱「掛住」香港，希望香港的朋友用playlist（歌單）想念他，「因為你同我，一早已經喺廣東歌裏面」。他又指，如遇上火災或要走難時，會帶廣東歌走，「因為除咗呢樣之外，我覺得所有其他嘢都可以慢慢重新搵得返」。

黃偉文首先多謝在過去一年找他寫歌詞的監製及歌手，稱他們各自不同的年齡、資歷、生活態度和風格，提醒他寫歌詞的初心，「因為我覺得唔同嘅聲音都係值得被聽見，唔同生活態度、唔同生活題材，都係值得用流行歌嚟記低」。

他提到，每當有人問他遇上火災或走難會帶甚麼走，小時候的他會想帶一件心愛的物品走，長大後的他會想帶一個愛人走，而在現今的數碼時代，他可能會想帶一組密碼走，「不過今時今日如果你再問我，我諗我答案揀定咗，唔會再改㗎啦，如果要火燭或者走難，我諗我會帶廣東歌走，因為除咗呢樣之外，我覺得所有其他嘢都可以慢慢重新搵得返」。

移民英國的黃偉文稱「掛住」香港，每當想念香港和世界各地的朋友時，會以playlist（歌單）想念他們，他亦希望想念他的朋友可以用playlist來想念他，「因為你同我，一早已經喺廣東歌裏面」。

他又指，隨着千里而來的不單止有獎座，還有各種精神及感情的支持，「其實呢份溫暖呢，有時真係無咁容易帶住隨身走，但今日我再一次收到」。