五1. 又用完一支筆，係努力回信嘅證明，諗起琴日收到人哋嘅信話佢努力溫習用完一支。
今個星期係幸福嘅小孩，收到十一封信，其中四封來自監通，一封為家人幫牆內嘅友人轉寄比我，係悲傷中嘅甜蜜，悲痛大家都係牆內，甜蜜嘅係他們寫滿一張張紙，話我知過得不錯，話我知掛住大家，話我知撐得住係出面同屋企人都好少Wts，係到半年了，屋企人每幾日就寫一封信比我，諗話題同我講，我好鍾意寫信，發現比起面對面，寫信多咗好多內心嘅交流，真實嘅想法，雖然我都係鍾意面對面多啲，但「我手寫我心」讓彼此更接近。
辛苦了牆外嘅大家，寫信都係要好大嘅決心先會拎返起久違嘅筆，重要截信連連，打擊大家嘅動力。
我會努力會信！嗯嗯！（雖然借咗3本Harry Potter好想沉迷書海-v-）
2.
我對住佢對左10分鐘，又揭下啲信諗吓寫咩好～終於！比我諗到！唔知之前有無寫，我呢排獲得沖凍水技能！
強壯！係一件幾值得自己開心嘅事，睇開我信都知我易病，自小體弱多病嘅我。
有一年嘅某一日忽發奇想想沖凍水涼，就實踐自己嘅想法，第二日病重
之後無再挑戰凍水，早排天氣熱，呢到轉咗沖涼制度，一日先凍後熱，另一日先熱後凍，討厭早沖涼嘅我多數沖尾，所以就會面臨要沖凍水，佢哋教我沖之前將啲水拍落心口先，依家沖咗幾次凍水，我無病啊！（
好奇怪添
）我無發燒無傷風乜都無啊！Yeah！
Local Yeah本土野
