一1. 無諗過當我一寫呢一張日常就10:30關燈了//-v-//
因為今日收到大腩親愛嘅Minions嘅回信，超級開心，所以趕緊回信。得知佢嘅另一半係機緣巧合下睇到我公開IG，睇到我同佢聽鬼故個單嘢，知道咗我哋同房， keep住update個狀況比佢（哋）知，睇到呢件事覺得好有趣
呢名Minion嘅另一半你好啊我分享返一單同你女朋友有關嘅事比佢聽，等你女朋友分享返你知
（啊，佢個陣話好掛住你，好掛住你同埋好想見你
）2. 令我諗返起同Minions愉快嘅小時光，能夠認識，我認為係不幸中嘅幸運，回信嘅其中一位Minion係信尾日期旁邊寫：「09/06/22（是3年前的今天令我們遇上
）」感觸萬分，儘使當時我們不認識，感激沿路一直有你相伴，直至我們於牆內相識，之後嘅路我仍會同你同行落去。真，齊上齊落。
3. 講返蚊貼，話說琴日講到比蚊咬，今日痕到爆，好炆，好唔開心。
我見老細無鬧我，無搵我傾比姑娘投訴單嘢，諗過唔出聲一直貼入面算，但望到咁多蚊咬真係按捺不住問老細，我可唔可以貼出面，我比蚊咬得好勁，老細望完我對腳話：「我從來都唔介意你哋貼邊，佢要投訴係佢嘅事，我就唔覺得貼出面入面有咩問題，院方亦從來都無講過蚊貼貼嘅位置，佢唔滿意咪即時送你Su又或者你舉手投訴（
有監督/啊一/太平紳士嚟時可要求/投訴。）佢都得，同我投訴你真係好無謂，你見我都無鬧你，我完全覺得係笑話一則嚟添，蚊貼咁小事。」其他不能盡錄，太多記唔曬。總結：代更老細&正莊老細都覺得無問題，係個姑娘太敏感。-v-佢哋2個嘅更我會照貼出嚟～開心！唔洗再咬到咁。
如果個位麻煩姑娘返，2位老細都提議我一係貼返入去，一係貼出面抗衡。我揀前者，因為非逼不得已嘅話我都唔想採取破壞雙方關係的方法
Local Yeah本土野
