大公報報道「萬人頻道」YouTube短劇《豺狼》熱傳

[emily]

大公報報道「萬人頻道」YouTube短劇《豺狼》熱傳，將黎智英比喻做陰險豺狼，又話不少網民轉發同評論，小編得閒到睇晒。

短劇歷時3分鐘半鐘，頭2分幾鐘影住媽媽臨瞓向女女講《小紅帽》，媽媽話世途險惡呀，豺狼當道呀，然後女女話唔怕，可以識破豺狼嘅偽裝。

女女瞓咗後，就傳來李家超把聲，話「香港人真係太君子，唔知道世途險惡，唔知道豺狼當道」。這時媽媽出廳睇TVB新聞，正報道黎智英因為提出攬炒同勾結外國勢力被捕。

最後畫面就以大字寫要對豺狼「拿起獵槍，同仇敵愾，並肩作戰」。

小編最唔明係，媽媽講廣東話，但幾歲女女就有極重鄉音，連YouTube留言都有人問「香港廣東話似乎不是她的母語」，呢位媽媽係咪啱啱先返大陸執個女返來養呢？

#20240718