721 唔見人 保持憤怒 毋忘721

[emily]

721 唔見人
保持憤怒 毋忘721

721 事件已經踏入第5年，5年後嘅今日，公義依然未得到彰顯。但我哋相信，香港人係唔會忘記當日嘅憤怒，亦唔會原諒黑警嘅荒誕。
感謝藝術家 @ricker_choi 同 @side._lee 借出721 相關畫作，展示當日白衣人無差別攻擊市民嘅情況，感謝大家用唔同方法將事件記錄，感謝藝術家借出畫作。

721 事件已經係第5年，有人選擇遺忘、選擇逃避，但亦都仍然有香港人尋日去到元朗默站、舉51手勢，盡力表達！
相信大家嚟到溫哥華嘅生活其實都好唔容易過。但大家今日仍然願意出嚟，同政權講我地無遺忘，仍然憤怒、仍然發聲、感謝大家。

另外，47人初選案正係求情階段，其中不認罪嘅余慧明喺求情時指佢仍然認為透過投票尋求改變根本無錯，或許唯一錯誤，就是佢太愛香港。

呢47人，有大律師、醫生、護士、議員、社工、學者，佢哋只係太愛香港，佢地只參與咗一場和平選舉，但就被定罪串謀顛覆國家政權！今日感謝大家一齊喺遮上寫上俾47人嘅說話，聲援所有因為民主自由而被囚禁嘅人！

最後分享一句柳俊江 「元朗黑夜」嘅說話-
「在痛苦中尋找更堅強的自己，我希望，你也能做到」

喺圖10，係其中一位香港人寫 - 「撐不下去 仍尊重你們的任何決定」

生活好難 生存好難 或許感覺已撐不下去
撐不下 就喊下啦

「不需急切一息間變好
悲觀心態 並不是多糟
撐不過就去哭別強裝歡笑
准許悲傷使你 內耗」

喊完之後 回望或許會見到更堅強嘅自己