【落10日廣告換地產版唱好】

[emily]

【落10日廣告換地產版唱好】當香港樓價低處未算低時，靠地產廣告立足嘅星島日報可以點算？

除咗經常在A1版賣英國同日本樓盤廣告外，亦要唱好自己嘅米飯班主。

旭日國際發展今個月在星島落足10日A1版全版廣告，推銷屯門新盤黃金海岸．意嵐。

今日星島在地產版寫呢個新盤幾咁好賣，用上嘅字眼包括「人頭湧湧」、「準買家無懼風雨」、「大手客購貨」。

地產版同時報道銀禧花園有個單位升值44%，小編好興奮以為樓市復甦時，原來個樓價係同1997年相比！

#20240728