#彭偉昌上訴庭法官
#0831旺角
#不服定罪上訴許可申請
簡(21)
*已服刑完畢
控罪：參與 #非法集結
被告被控於2019年8月31日，在九龍旺角奶路臣與彌敦道交界，連同*(14)、王XX、和其他身分不詳人的人，參與非法集結。
案件背景：被告經審訊後於2023年4月15日被 #徐綺薇區域法院暫委法官 指出儘管控方沒有證供直接指出當時被告確實作出擾亂秩序的行為，但他卻可以鼓勵示威者的違法行為，他身上的裝備亦可見他是有備而來；並選擇近距離置身於非法集結現場最少10分鐘；而離開現場的時間剛巧與集結人士離開彌敦道的時間相約；並與其他集結人士一同於太子站月台被捕。由此裁定被告罪名成立。於同年5月19日判處8個月監禁。
判刑詳見：
裁決書詳見：
https://legalref.judiciary.hk/doc/judg/ ... _2020.docx
---------------------
上訴方代表： 蘇大律師
上訴方陳詞彭官一入庭就問上訴方交陳詞時有無睇典據。上訴方律師欲解釋，彭官謂：「唔睇哂點樣上嚟」，問了好幾次…
上訴方續指唔肯定有無睇哂所有暴動案⋯
彭官：「當然，唔通睇謀殺咩？」彭官問有無睇劉XX案例，上訴方答有。彭官問知否判案日係其幾時，再話「我講你聽」，指係2023年（聽唔清日期），問上訴方呢個案例有無幫到手，上訴方回覆指唔係太幫到。
彭官再問有無睇鄭XX案例，「無做充足研究呀？」，「呢d 案嗌嚟嗌去都係個啲point」，「呢啲嘢又要我同你做，唉…」
彭官首先話想比上訴方睇鄭XX案例，瞬間又話都係親自讀出嚟，話唔想等…。內容有關兩種參與暴動嘅意圖，當中提及盧健民一案及終審法院提及，只要有足夠證據，身處現場也可作鼓勵。續指今天本庭上訴的案件中，被告人有相關影片，指「點樣話佢（原審）錯啊」
上訴方回覆知鄭XX案例…
彭官插口話睇熱鬧，「法庭唔接受有啲咁嘅人㗎」，並指被告逗留10多分鐘，（原審）唔信係八卦點樣話佢錯呀，續指被告在地鐵內才除衫，質疑喺條街又唔除，「咁得意嘅」，又質疑被告認為架列車唔開但估可以好快開出，不理解為何被告這樣想，指「我完全唔信呢啲嘢」。
彭官：「蘇大律師，我唔覺得你熟讀案例。」
續指今次個情況有乜分別，指原審唔信你…有邊忽錯。彭官再講：「我俾你講，但係我睇完案件我覺得…(漸趨細聲)」
上訴方指在鄭XX案，警察防線時間相對耐…
彭官再次插口，指要所有野夾埋一齊睇
上訴方指本案原審pw1 指該處不屬封鎖地區…
彭官再次插口，道「你喺個氹度轉來轉去」，指被告係喺列車度選擇唔走，係選擇留喺嗰度
上訴方嘆了聲氣，指自己有睇過好多案例明白個情況…
彭官又插口：「為了公道我俾10分鐘你講」
上訴方指本案有人圍觀，被告往示威者當中，當時情況係無交通，而行人路和馬路都充滿人，冇話邊一個地方係參與（暴動）。
（上訴方講野時間尚未夠10分鐘…）
彭官再插口，「你係咪無務實嘅陳詞啊」，並指冇證據話被告不能離開，而且被告留在黑衣人當中，「從來都可以離開㗎嘛」，「圍觀我講咗七次」，續指「我再俾你（上訴方）講」
上訴方提出被告出現嘅議題，表示明白法庭關注有其他因素，但在鄭XX案例當中，鄭xx留了個幾鐘，加上本案被告的案發地方冇被圍封,而且只是出現了10幾分鐘, 認為本案有更大空間去裁定。
彭官回覆舉例有斬人發生，但係睇熱鬧…（碎碎念⋯）續指：「得，你（上訴方）繼續講，我唔出聲」
上訴方回覆「就算有銀行被打劫，有人八掛睇，是否等於支持？」
彭官：「你只唔只係咁呀？」
上訴方指19年如有地方示威，即使有犯法行為，附近也不乏有人睇熱鬧，加上本案被告站在中間位置時，有片段拍到他沒有和其他示威者作交流。
彭官：「咁呢個係法律問題」
上訴方欲言又止
彭官：「你繼續講，我唔會同你有對話」
上訴方：「我無補充」
彭官：「我有無阻到你，唔俾你講」
上訴方：「無」
彭官：「肯定啦嘛，需唔需要攞指示？」
上訴方回覆不需要
彭官隨即指唔需要答辯方幫手，即時宣布拒絕批出定罪上訴申請
，指原因在佢同上訴方對話可見，續講左幾句解釋，指詳細書面判詞會在3個月內頒佈。彭官提醒申請人可再向三人合議庭申請上訴，但有減時風險，並指即使出獄都可以請被告回獄。
感謝臨時直播員