#林子康裁判官
#20230928獅子山 #審訊[2/1]
陳伯(76)
控罪：沒有許可證於郊野公園內展示條幅
根據《香港法例》第208A章《郊野公園及特別地區規例》第10(1)(a)條：「任何人未經許可，不得在郊野公園或特別地區內展示任何標誌、告示、海報、條幅或廣告宣傳品」。被控於2023年9月28日，未有總監批給的許可證，在獅子山公園展示條幅「橫眉冷對千夫指 俯首甘為孺子牛」。
=========
[09:53] 開庭
控辯雙方已經呈交書面陳辭。
控方補充陳辭在控罪上，不論以嚴格責任或絕對責任，mens rea (犯罪意識) 已經達至；爭議嘅係actus reus (犯罪行為)，有三個情況：
1. 展示標語
2. 展示banner
3. 無取得許可
展示辯方爭議第二點，認為行動上係攞出嚟，但唔構成展示，即使構成展示，但情況係違反憲法，條例唔清晰，控罪一刀切，唔合比例。
辯方引用終審法院謝文輝案例，指條幅唔係掛出嚟或者黐落去；在引用終審法院另一食環案例，指展示要有規律性和持久性。
控方食環條例唔識用於郊野公園，條例唔同，環境亦唔同。郊野公園係特定地方，使用者無鬧市咁多，身份亦唔同，郊野公園係遊客會去；舉例有一班旅行團，領隊會舉旗，係無恆久性，但會唔會對其他使用者造成滋擾？
違憲辯方指法例草擬唔清晰，但有某啲法律要顧及原意，唔可以寫得太死，要有靈活性，要有通用性，原則適用於本案。
被告係有憲法權利，可以申請許可證，刑罰亦都好低，唔會有人無意中犯咗好大嘅罪行。
不合比例被告可以提出申請，仲可以上訴，再可以司法覆核，但這是用公共法，唔應該在刑事法庭處理。亦無證據被告曾經有申請。
辯方補充陳辭不同意食環案例不適用，終審法院已經指明兩個案例要一齊睇，已經考慮咗滋擾嘅問題，案例中嘅條文係唔適合，用於有時限性嘅展示，政府亦同意暫時性嘅展示，唔算係展示。
另一個法輪功嘅案例，在西環、尖沙咀、旺角等地發生，如果郊野公園會影響遊客，上址更多遊客。
規律性和持久性證據顯示被告只係攞條幅出嚟一次，無規律性，條副被警方在被告家中搜出，並無掛在郊野公園，無持久性。
如果法庭裁定市政條例唔適用於郊野，辯方會提出「依法定明」，本條例有無指引？有無政策？有啲條例通常寫得好闊，但會有指引，這條例無，盤問時證人亦指無內部指引。
蔡玉玲案例：如果有兩個選項，終審法院會選擇較為狹義的選項。
吳靄儀案例：有兩個情況，條例爭議和決定爭議，本案係條例爭議，被告係唔需要作供。
不合比例條例應有相秤性，舉例學校去秋季大旅行，拎條橫幅出嚟影張相，就已經犯法？
------
案件押後至12月10日14:30 同庭裁決，裁判官指因為雙方以英文作陳辭，會以英文寫裁決。
