對（憂鬱之𡷊）嘅爭議和擔心

[emily]

對（憂鬱之𡷊）嘅爭議和擔心

不久前我參加咗喺Berkeley播映呢部戲，當時仲有導演同埋監製喺播映之後有一個短時間嘅研討，我睇完之後有一種不安嘅感覺，係我哋年紀比較大，曾經經歷過六七暴動嘅人較容易產生個種不安，如果大家有同塲睇，或者會記得我當時有問導演同監製，話將六七暴動嗰位主角石先生，同我哋反送中個主角，一齊放喺個監牢度對話，我當時用嘅形容詞係有些「震撼」，但其實最主要係感覺有些不妥當！主因是兩個事件嘅背景的不同，六七暴動絕對係共產黨左仔要搞亂香港，希望提早收回香港的一個行動，而我哋雨傘同埋反送中都希望香港自由於共產黨的不人權統治，將兩個人放埋一齊嗰種不安，我哋經歷過兩件事嘅人，就係非常強烈嘅！果剎那我都講唔出係咩原因，今日我睇到一段比較詳細嘅分析，憂鬱之𡷊好大可能係被共產黨左仔利用了，有為六七暴動洗白的嫌疑！
分析討論有對歷史研究的程翔，資深傳媒及紀錄片導演羅恩惠同鍾劍華博士，想了解多啲香港歷史及憂鬱之𡷊拍攝嘅背景，值得花些時間睇吓呢段片：