初初去到Lck（判有罪掉左入去等求情同判刑），我喊咗應該3日或者4日，一到夜晚就忍唔住係咁諗野、好擔心喺外面的媽媽同女朋友，後悔好多以前自己做錯或者冇去做的野，冇好好關心身邊的人、冇好好珍惜時間，跟住係入面有成日調去唔同地方，加埋小弟近視同散光好深（上庭嗰日放咗係枱面，諗住一定記得拎，結果漏左=o=最後等咗10幾日先批到比）頭十日左右咩都睇唔到，其實好L驚、又認唔到人-_-
之後情況好返D，無耐又上庭、之後又要去其他地方重新適應，無耐再上庭判刑，返到Lck我係真係原地爆炸，負能量爆曬。「裁決」理由前後矛盾、無實質證據、極多法官自己的個人推測、充滿疑點同破綻，都可以判「有罪」；「判刑」起點重到癲，明明呢單案件暴力程度低至中，指控我的參與到人係最低的黑衫黑褲示威裝束+裝備鼓勵其他人，一野五年拍落嚟、不接受求情果D、僅僅無案底扣3個月=o= 4年9個月，唔係最重個單，不過都係最重個兩三單了，返到去之後真係忍唔住D情緒好L嬲。差不多係以最薄弱的證供去定最重的罪。
最心理唔平衡係身邊果班真·犯法人士，縱火、打劫、販毒、非禮等等乜L人都有，日日喺度傾出面D「威水史」，再聽佢地D刑期短到笑出黎，兩把牛肉刀判6個月，我支爛鬼雷射筆都9個月，仲有好L多位聽L到個人好炆-w-所以果段時間情緒都好失控，除左係咁屌鬼同諗上訴野之外，就係擔心會塞我去邊個監獄，最擔心係塞我去赤柱。
依家去到白沙，身邊D人正常好多，唔少都係手足，有返D溝通到的人係附近，我個人正常返好多，少咗亂諗野。而家個方面都好左好多，白沙同Lck差太遠，係呢度週末咗幾日。暫時都適應得ok～而家了解緊讀書D野同學緊健身操肌，同埋等緊律師泥見我傾上訴D野。
都係啱啱到步，好多嘢都未了解，but會keep寫上出來更新近況～不用太擔心me，雖然近日近乎所有消息都係壞消息，不過唯一的好消息就係有幸入到白沙，呢邊相對上好捱好多，希望下一個好消息係上訴成功啦！
恭喜mean一入到嚟就被告知我係呢度被判最重同最遲走的一個=w=同埋係最輕的一個，得返47.5 kg，輕返少少-_-距離50 kg又遠了一步…
願各位平安 祝大家聖誕快樂 謝謝大家 愛你地
by紙
#紙片有話兒
hker_ic101
