《呢件fur用咩整? (I) 皮草商惡行》有提到係《Fashion Killer》（ViuTV）節目入面，193有提到節目組預算有限買唔起真皮草，但真嘅動物毛皮係咪一定好貴呢? 其實非也。
幾年前好興一個毛波波掛飾，係旺角可能賣十零廿蚊就有一個嫁啦~ 但想話你知，有啲係用真兔毛黎整嫁! 或者咁講兔毛嘅成本實在太低，低到用真兔毛比起整假毛毛更慳成本。
養貓嘅我每次買逗貓棒都要研究一番，因為我唔要買到羽毛之餘，仲要望清每件毛毛產品係真定假毛
逗貓棒都唔係貴，所以唔好以為High Fashion先會接觸到真嘅動物毛皮，佢嘅應用比你想像中更平庸同易接觸到。可以點樣分真假皮草呢? 平時買衫會有個標籤，可以睇下件衫用左咩物料。或者可以直接問店員
如果冇標籤，店員又答唔到你，咁都可以靠自己嘅
真皮草：
~毛尾呈尖頭，每條毛長度稍不一（係動物毛髮嘅自然狀態）
~用手輕掃扁動物毛時，毛會回彈
~揭開毛去睇連接毛根嘅物料唔會見到網底，而係一整塊皮毛直接痴住塊動物皮
~最後燒!!（請確認件野燒得
）真毛燒後會粉碎成灰脫落仿皮草：
~毛尾尖呈平頭，每條毛長度一致（仿皮草產品模仿唔到真毛髮）
~用手輕掃扁仿皮草時，毛唔會回彈
~揭開毛去睇連接毛根嘅物料會發現有一格格嘅網底，毛係織於網底之上
~仿毛燒後會熔成焦黑一粒硬物，發出臭膠味（仿毛有啲用塑膠整）
大家可以搵屋企嘅毛毛物品試下用上面方法分下真仿
冇真皮草，可以用下貓狗嘅毛代替 唔好燒佢地毛呀唔好買真皮草/任何動物毛/毛皮產品
莉莉心室
