——————————————————————————————
To all:
大家好，一星期冇用IG update你哋了，別來無恙嗎？我就覺得尚算可以，始終過咗一星期，已經習慣咗大部份生活作息，最唔習慣係見唔到自己重視嘅親友。呢一個星期有好多好笑嘢想同你哋分享：
1.我依家同緊一個會食煙嘅囚友同一個倉，我哋會喺度同倉兩晚，之後就落大倉了。我本身係一個五感比較敏感嘅人，而呢位囚友基本上日日chur半包煙orz…… 然後我就坐喺上格床望住啲煙慢慢攻上嚟…呢一刻，我想同我個肺誠懇地道歉
。肺：「肺事睬你。」（hehehe~)2.我發現坐監嘅時候，份人係更易感到滿足。我前日終於收到報紙嘅時候真係超開心，由於牆內嘅資訊太唔流通，所以對好多新聞都好難有詳細嘅理解（例如係睇區諾軒同趙家賢嘅精彩發言
）所以收到明報嗰下真係好滿足架。3.坐監都學識幾多嘢，小至監房嘅terms，大至同唔同背景嘅人嘅相處方式。我覺得監房係一個小型社會（當然係一個好多限制嘅社會）入邊有好多唔同種族/工種/背景/性格嘅人。我喺同溫層生活太耐，幾乎忘記社會有好多你完全諗唔到/想像唔到嘅人。有啲嘢我完全覺得係唔合理嘅，但對方會覺得係家常便飯。例如係：我問倉友點解會食白粉，佢話：「健康嘛！食白粉先長命呀！」um……我真係第一次聽食白粉養生……我都係食返米粉算……
可能因為自己本身嘅職業嘅關係，我覺得同到咁多唔同背景嘅人相處又幾有趣，當練習下點樣同唔同嘅人傾計啦！雖然咁講好天真，但我可能可以用大學學嘅嘢，去勸人重返正軌呢？No matter how tiny an influence is, it’s still an influence
今日傾住咁多先！大家要好好保重，讀多啲書，飲多啲水！同做運動！
10-4-2023
deersexploring
