》唔係陳奕迅同張栢芝，係台灣電影《十二夜
》。一套紀錄片，拍攝於流浪狗收容所。十二指收容所內嘅狗喺十二日後冇人領養，就會變成針下忘魂，係呀亡魂同忘魂，被遺忘嘅生命。
果時入戲院睇，喊到傻左
。一開始介紹收容所內嘅狗，仲介紹埋佢地嘅名，有左名就增添左份聯繫。睇住佢地吵鬧、悲鳴、有啲有少少行為問題。最後，望住有狗被拖入一間房，知道代表安樂死嘅針等緊佢地，由悲鳴，轉為無聲，同埋戲院內嘅哭聲。我覺得係套一定要睇但只係睇到一次嘅電影，電影反映嘅事實有必要去知道、了解、探究，但太虐心，睇一次喊一次。
其實香港都有動物被安樂死嫁，漁署、愛協（SPCA）都會將冇人領養嘅動物實行安樂死，等候期好似仲短過十二日，連十二夜都過唔到
。每年人道毀滅嘅動物數目都唔少，有心嘅動物機構救極都救唔哂，眼白白見住動物被殺。所以啲人成日呼籲市民唔好見親流浪貓狗，甚至野豬就搵漁署、愛協去「處理」，間接可能送走左一個生命。學識同社區動物、野生動物相處，其實即係唔好理大家，減少衝突，各自各過活，都已經係幫助。當然，領養不棄養，不買賣，社區動物絕育計劃亦同樣重要
去睇《十二夜》啦
佢地（汪汪）需要被了解佢地面對嘅危險、苦難! 戲中狗有啲俾人領養左! 算係片尾帶出嘅小安慰同希望莉莉心室
