海字落貨3 - 前輩威水史
上回提及嘅Meal Break 一事，
一早令到一眾關人心有不甘，士氣受鋤。
雖則Meal break 及行水安排極度混亂，
作為出色嘅關人一概少理，
冇水就冇水，冇飯就冇飯，
只是不滿前輩口講撐大家，
背後喺柴By就力數聖上不是，
關人們真係戥聖上唔抵。
面對聖上，
前輩話無人不滿個Meal Break 安排，
同時自己舉腳贊成依個安排。
面對關人及同僚，
卻將責任推到聖上一人身上，
同時話自己都好不滿此不公平政策，
奈何自己用盡方法，都無法勸阻聖上。
不過，前輩你唔係話係HQ落嘅order 咩？
此雙面人的個案，
及前言不對後語嘅情況，
只是冰山一角，
若讀者有興趣了解，
筆者亦樂意一一為大家細數。
此人一朝得志前，已經語無倫次，
擘大雙眼講大話只是等閒之事，
可惜有傳聖上有痛腳被此人抓住，
前輩才有機會AC 起步，再直跳上AA 。
老實講，前輩嘅Case 唔算多，
亦稱不上咩大Case,
大Case 可能有嘅，
夾硬屈個司機張六聯單，少咗個字，
所以要告佢UM,
眾關人及前朝重臣曾經力勸都於事無補。
事隔大半年亦手尾不斷，
物流公司老闆更親自踩上CHB 搵AC claim 返批貨。
前輩得知此事，
竟於好友鎚子骨面前口出狂言，
話：最緊要舔到個靚Number, 後續故事上到去邊，都唔關我事啦！
作為冇主見嘅應聲蟲鎚子骨，當然繼續和議前輩。
前輩講得冇錯嘅，
最緊要開個到靚number,
即使事後連續幾日，
物流公司報關職員，
經理及老闆都分別前來拎Enquiry,
前輩早悉有鑊味，連續拎咗幾日假去避，
屎就留返俾啲冇名嘅"阿仔阿女"執。
又難怪嘅，
前輩上知天文，下知地理，
琴棋書畫，樣樣皆精，
自稱文筆可媲美倪匡，
口才好比黃子華。
唯獨就唔識Case, 唔識例。
當然要選擇逃避。
平時FC 時，
前輩都係開住馬會App 咁睇波賺OT ，
聖上殺到就奉承聖上，
關人就埋頭苦幹埋Case，
關人有嘢唔明就叫關人問波板，
完case 後就唱關人唔可靠，
乜都唔識。
司機帶多咗煙就話人地犯咗襟鵬條例
聽到司機都一頭霧水。
關人幫手補鑊，
前輩就話關人不識時務，
話解釋得咁清楚，會觸怒個AP。
而聖上早聞前輩死淨把口，
所有奇難雜症都唔敢麻煩佢，
例如油車同其他特別行動。
其實筆者無意要抺黑或中傷前輩，
因為視為抺黑嘅說話都未講到。
再者，筆者只想其他人學吓嘢，
到底Appraisal如何喺咁艱難嘅日子當中，
可以由AC 直跳升上AA?
同時，
點解佢架車唔車男只車女？
點解係海字足球界叱咤一時嘅前輩，但從來冇人聽過佢個名？
前輩做CO 時，於羅省一人一年獨攬400單Case都未能起步？
欲知此人，且待下回分解。
提交時間：30/8/2022 下午4:29
