倒數兩日

[emily]

倒數兩日，要嚟嘅始終都係要嚟，已經準備好晒身後事，只差心情要整理。

致我愛及愛我的人，我會好好照顧自己，所以請你哋都照顧好自己。千萬唔好因為擔心掛住我流眼淚，我想見到開心嘅你哋。絕望擔心時睇下我哋影過嘅相，我好快會返嚟。

呢幾日見咗好多朋友，感覺好似最後一次見面咁。其實我好少向朋友家人提及自己嘅事，即使佢哋問我相關嘅事，我都覺得好內疚，好似自己又帶多咗個負擔俾佢哋咁。即使唔開心都係自己夜晚偷偷喺到諗，唔想煩到大家。

入去可能都會醫得返我鍾意屈埋屈埋嘅壞習慣，畢竟要習慣下自己一個。未來見。

dding.ooo