//英國國會下議院外交事務委員會日前發表印太戰略報告，喺報告入面第一次表明台灣係獨立國家。據《POLITICO》歐洲版報導，喺報告裡面提到：「台灣已經係一個獨立國家，國名為中華民國。台灣擁有具國家地位嘅所有資格，包括常住人口、界定的領土、政府，以及與其他國家建立關係嘅能力，只係缺乏更廣泛嘅國際承認」。
此舉被視為英國對台灣立場嘅明確表態，並呼籲加強與台灣嘅外交與經濟合作，挺台反制中國嘅威脅。報告都批評英國政府對台灣嘅支持過於保守、唔夠大膽，來自英國保守黨嘅委員會主席Alicia Kearns表示：「我地認知中國嘅立場，但我地唔接受佢哋嘅立場。英國應明確表達支持台灣的立場，強調主權嘅獲得不應透過暴力或脅迫。」
報告仲建議英國同台灣建立更緊密的關係，包括喺網絡同太空防禦領域方面嘅合作，並推動台灣加入CPTPP。
早前，英國外交大臣祁湛明到訪中國期間，據報兩國討論了彼此關係嘅改善，並強調相互尊重的重要性，並希望保持溝通渠道暢通。祁湛明都對中國喺香港實施國安法及中國人權問題表示關注，並強調台海和平的重要性，不過部分英國保守黨議員認為訪華係英國軟弱嘅表現。
然而，中國外交部發言人汪文斌對英國國會嘅呢份報告表示「強烈反對」，認為該報告係「顛倒是非，混淆黑白」，並敦促英方「尊重中國的核心利益，避免給台獨勢力發出錯誤信號。」//
———————————————
更多資訊，包括最新一期《自由港》請點擊以下連結
https://linktr.ee/HarbourofFreedom
捐款支持我們:
https://ko-fi.com/harbour_of_freedom
