//海內外嘅香港人都被白色恐怖籠罩，呢個係不爭嘅事實。喺香港本土，無論社交媒體定連登，講多兩句，就可能國安上門；喺海外，只要尚未同香港一刀兩斷，亦有可能受牽連。
咁嘅環境下，會感到恐懼，甚至因此噤聲乃人之常情，但非長久之計。紅線只會越迫越埋，就算今日避而不談，屠刀總有一日會落到你我頭上。
要消除恐懼，並非企喺個台上面講兩句就得，而係要從恐懼嘅源頭開始。今日香港人所面對嘅恐懼，唔單只係反抗嘅代價，更多嘅係未知：唔知敵人用咩手段搵到你、唔知點樣保護自己，甚至連自己是否曝光都唔知…冇辦法評估、規避以及降低風險，呢種無形恐懼先係白色恐怖嘅核心。
因此要消除恐懼，就必須從敵人嘅手段對症下藥，話俾大家聽佢哋係點樣搵到我哋出嚟，點樣防止同類型嘅事發生。//
———————————————
更多資訊，包括最新一期《自由港》請點擊以下連結
https://linktr.ee/HarbourofFreedom
捐款支持我們:
https://ko-fi.com/harbour_of_freedom
