2023年嘅我發生咗好多事～
一單接一單咁～
然後話咁快就年尾～
唔經唔覺就剩返五個幾月～
自己都唔太記得呢一年嘅自己做咗啲咩
發生嘅事有好有壞，有傷心有感動，
以為已經好堅強嘅自己原來係咗不堪一擊，
但又喺呢啲崩潰沮喪中練成更強嘅自己～
亦以為自己會失去時人生就永不翻生時發覺自己比想中嘅適應力高～
雖然發生呢啲事好痛好傷，
但都帶住唔會再逃避嘅心去面對一切，
可以懷住呢個心態嘅自己我都覺得自己好利害！
早排睇到一句句子令我好深刻～
「很多人誤以為哀傷會因時間需縮少，真相是哀傷從不曾變過，是生命隨着哀傷而強大。」
而面對哀傷時努力勇敢去面對去擁抱，再同自己講你已經好叻，繼而自我療傷都係我一直憤鬥嘅目標～
我會唔會講到好一舊舊？！
但原諒我舉唔到例子，
因為發生嘅事實在太雜亂無章，大部份嘅事件都穿插住其他事，千絲萬縷咁～
不過一切都過去Lu～
而家可以拎返起枝筆寫信～
同大家報個平安～
而家最期待喺畢業後帶住爸媽去旅行～飲咖啡～食好西～追返我miss咗嘅3年！
最後～更新一下～
我喺2024年3月尾畢業～未來見！
Alice
09/10/2023
VU Coffee
