新加坡超越香港，都唔係第一日嘅事

[emily]

新加坡超越香港，都唔係第一日嘅事，近期只係明顯責無旁貸地，係施政方面被人比下去，仲要係人地訓住贏

遠在13, 14年左右，已經有若干客嘅總部在sg，香港只係分支負責跟頭跟尾。點解？答你唔到，我會估係香港租貴人工貴，辦事又隔一層，對中國市場不如直上廣州上海，對東南亞始終都係星馬泰，平而且有local insights 及人脈，地頭蟲是也，香港卡在中間有點雞肋，政府又唔是特別有甚麼前瞻性政策發展，令我as a business 覺得有吸引力，黎黎去去最後都係地產項目玩財技（無話賺錢唔好，呢個策略嘅局限現在好明顯了）

再主觀一點嘅印象，坡仔馬拉仔（&女）普遍比較hungry同自信，一方面急於發圍，另一方面確信自己好撚掂（所以有時跟坡佬deal係灰機嘅），咁唔少遠比我聰明見多識廣嘅朋友，會同我講其實坡佬好撚柒，馬拉仔基礎唔得之類…明白的，只係個人主觀印象

無謂基礎如何，hungry 以及自信嘅人永遠會比同級嘅人行遠些少，甚至有幾個爆起成功都唔定，完全係機率問題，你有十個人落場打，對面一百個，成功率相同係10%，一定係人多嘅贏

香港人又點？我唔覺得香港後生仔唔爭氣，呢d說話通常係施永青呢類boomer蛋散，在求職季節登出黎俾僱主壓價嘅。我接觸嘅年輕人，完全知道自己打緊uphill battle，但係佢地相對就較少會覺得自己可以發圍，又或者會諗創業即係被業主加租或者成功時被政府收割合照之類

換言之，係香港戰後幾代嘅收成期，唔單止收割自己果份，連後生仔嘅未來都透支埋，然後日日屌後生仔唔爭氣要放棄佢地。整個香港嘅大環境，係同後生仔作對嘅

咁樣都仲拼搏嘅年輕人，其實係加倍地爭氣，只係跟星馬泰比，的確會比下去

失去金融中心地位係咪好可惜？少少啦，對大多數無機會分紅利嘅年輕人完全不可惜，最好你班尋租吸血boomer被今次great reset 收皮，後生仔先有一線生機

又係依我好主觀不學無術嘅印象啦，強弱唔係固定不變，即係菜瘋華嘅金句殺那光輝不代表永痕

80年代美國佬最怕日本仔買起晒自己所有野，日後要learn Japanese，返工講 konichiwa Yamamoto san。現在日本lost decades都唔知第幾個十年。日本動畫稱霸一方，家陣無中國外判搞唔掂，漫畫都被韓國web toons 追緊

所以除左睇自己努力之外，好靠少數有遠見嘅人，及早睇出整個行業嘅生態是否健康，作出好似韓國咁嘅政策調整，因為老本終有食完一日，唔靠政府係美德，但同時會輸比有政府支持嘅對手

都係果句，香港人其實知自己包緊尾追緊上來，無左二十年前果種精英心態好耐，如果仲留低奮鬥緊嘅，大家努力，我地可能只係重建緊食物鍊最底層，最平凡嘅衣、食同手作仔之類，但係在自己嘅戰場上總有反超前嘅一日，舊果d咩咩中心就等班boomer 自己慢慢哭好了

https://m.facebook.com/story.php?story_ ... =640706354