#陳廣池法官
#0721元朗 #721唔見人 #審訊 [16/25]
下午進度
A1: 林卓廷 (43) / A2: 庾 (35)
A3: 陳 (37) / A4: 葉 (31)
A5: 鄺 (26) / A6: 尹 (48)
A7: 楊 (26)
林卓廷因另案已還押逾32個月控罪： 暴動（所有被告）
案情：
被控於2019年7月21日，在新界元朗站大堂連同其他身份不詳的人參與暴動。
干犯香港法例第245章《公安條例》第19 (1) 和 (2) 條。
背景資料：
============
[14:36] 開庭
PW9 總督察 李百豪(音)繼續作供
D1 律師盤問720當日有無情報有關石鏡泉嘅言論（唔記得）；有元朗原居民在電視接受訪問（無印象），可能有但唔記得？（同意），講「721有好戲睇」（無印象）。
陳官終於提醒證人，無印象係好模糊，記得就記得，唔記得就唔記得（按：已經講咗一朝啦）。
律師問證人在721 當日中午有無收過以下訊息：有區議員向警民關係科警員，用WhatsApp報訊息，有黑社會幫派聚集500名成員，會在721當日襲擊黑衣人（無人講）；有無任何警員報告在Facebook 有相，話用藤條教仔（無同我講）；有區議員要求警方留意當日情況（無聽過）；當區區議員係鼓勵市民去參加港島區民陣活動，所以元朗在當日無活動（無聽過）。
律師指出，PW9在721之前，知道有元朗人公開呼籲保衛家園，要趕示威者出元朗（同意）。
陳官問：邏輯上講，有人入元朗先要保衛，無人入嚟就唔使保衛，啱唔啱？（同意）。律師跟進：無訊息顯示有人入元朗搞事（同意）。
律師指出警方係收到消息，所以在721成立特別小組（按：即DOR）（同意）；當日12點有區議員用WhatsApp聯絡警民關係科，表示有黑社會成員着白衫打人（唔知道）；有警員向區議員保證，元朗站有警員巡邏（知道有人巡邏，但唔確認有保證）；有立法會議員傳訊息，有白衣人聚集（無收過）；有兩名區議員傳訊息，有白衣人聚集，攻擊黑衣人（無收過）。
PW9係特別小組成員，唔記得幾點由上司訓示，PW9在傍晚約六點向其他人員作出訓示，同意有元朗警區人員，有來自警察總部人員，有偵察小組人員，但唔記得元朗站嘅便衣警員在唔在場，人數約40至50人，唔同意律師講係留心白衣人，只係慎防破壞社會安寧，唔記得有無講着咩色衫嘅人，唔記得有無講留意揸棍嘅人。
律師講根據資料，19:30時在雞地嘅警員匯報，鳳琴街有數十名白衣人向元朗市中心行（唔記得），律師指記事冊係咁寫，向ADV(Ops)匯報（呢個係我，但無人直接向我匯報），仲寫住呢班人手揸住保衛家園嘅紙牌（無聽過）。
19:55 由雞地去到鳳攸北街有100至200白衣人聚集，秩序大致良好，無任何爭執或者打鬥（依稀記得）。
21:00 PW9 指示離開現場（唔記得）。
22:00 有觀察警員匯報在雞地一帶，有40名男女着白色上衣、手持竹棍、揸國旗，聚集人士和平（記得係），律師問和平都要匯報？係因為證人曾訓示留意白色衫人士，所以匯報（唔同意）。
律師指出在晚上11點前DOR收到不同階段有不同訊息（如果DOR有報，就有聽），在元朗站觀察嘅便衣警員有匯報（同意）。
當晚港鐵有兩次報警，第一次在22:45，同一時間在元朗站嘅警員有匯報DOR，22:42時在元朗站F 出口有30人手持棍棒（唔知道），站內有男子被多人襲擊（唔知道）。
關鍵時刻律師指出到22:42一刻，除咗收到白衣人聚集，無其他人聚集嘅資料，PW9稱DOR知道有白衣人聚集，唔記得有無揸棍。23:00收到指示，23:15 PW9 去到元朗站，事前知道有暴力事件發生，唔記得係白衣人打黑衣人，定係調返轉；律師質疑既然知道，點解唔截查，PW9表示因為見唔到有人驚惶，有人跑過，想制止事件先。
控方開案陳辭附件一的第24段CCTV，約在G1出口，拍攝G1電動樓梯和部份大堂位置，鏡頭可以轉動，@23:18:30 見到有救護員陪伴一名傷者坐在地下，附近有警察。第23段CCTV，同在G1出口附近，從較遠拍攝G1電動樓梯和部份大堂位置，同樣見唔到證人口供的幾人坐在地下，證人表示CCTV見唔其他位置。同意在23:15:47 游乃強上到G1電梯頂。指出多位出動警方高層，吹大雞事件嚴重。23:00前警方只係派咗三名警員去元朗站（印象中係），無動員控制室嘅便衣警員（唔清楚），無動員警務室嘅警員（唔清楚）。PW9 確認就著多名白衣人遊行，元朗區係無發出不反對通知書，稱多過三個啫。
[15:30~15:45] 小休
D2 律師盤問#李百秋大律師 向法庭申請，要求證人除口罩，控方不反對
律師指PW9在早前大部份嘅證供都話無印象、唔記得，唯有問記得嘅事，續稱不能視PW9為普通警員；身為助理指揮官，同意部份行動會經由證人批准，部份由上司批准。
因應吹雞事件，會留意當日元朗發生咩事，設立咗DOR（只因應特別事件而開），當日主管係處理高級警司陳漢銘(音)，行動室屬元朗警區（按：包括元朗分區、八鄉分區及天水圍分區），PW9 係元朗分區指揮官，所以聽DOR指派。
律師指PW9在6點畀訓前，已掌握好多資料（回答有啲）；控方反對，指“好多”嘅定義各人不同；陳官指問題係廣泛，但批准；律師指係根據 #黃錦娟大律師 早前所提出的證據。證人繼續回答，知道有吹雞，唔記得係唔係原居民，唔記得有無講着白衫，時、地、人無講得咁清楚，有可能講過，已經唔記得，對於唔好戴口罩、好好教訓後生仔等說話都唔記得。
721當晚帶領快速應變小隊，過程有匯報DOR，無做紀錄，因為通訊有錄音，知道其他小隊都有匯報，DOR有紀錄；PW9無帶記事冊，高級督察或以下嘅警員要有記事冊，PW9 係總督察，可以無；即時匯報好過事後紀錄；PW9回答陳官，DOR會有文字紀錄。
警方會有唔同渠道收集情報，警區會有情報組，仲有警民關係科，情報組唔隸屬於行動組。
PW9唔知當日DOR有幾多人在場，知道元朗分區大約有幾多警力，駐元朗站嘅便衣警員係天水圍分區，唔清楚事件，有機會係元朗警區刑事組，訓示時刑事組講，唔記得邊個人。
事前申請增配人手律師指元朗分區/警區曾經在7月18，19日，向警察總部申請增配人手，問證供顯示19號知道吹雞，點解會在18號申請，係咪有其他情報？PW9稱只記得係在20號前，律師指18號係第一次申請，19號係第二次，PW9 後來同意申請多過一次，唔記得係邊日，PW9 有幫手打電話申請，唔記得有無用電郵；最後警總否決咗，仲叫元朗派人去港島支援，派咗102人（唔知）。
律師問證人可以動員嘅警力，DOR、快速應變部隊、CID、偵察員…PW9唔同意快速應變部隊有70人，只有40～50人，律師引用監警會報告內容被陳官截停，稱早前已經裁定唔畀引用。
[16:35] 休庭，案件押後至明日(15/11) 10:00 續審，D2~D7 繼續保釋。
