#林子康裁判官
#0831油麻地 #審訊 [1/2]
下午進度
D1: 馬(27) 控罪：在公眾地方管有攻擊性武器
承上：
============
[14:36] 開庭
傳召PW3 女警員20497 方頌靈
控方主問2019年8月31日駐守尖沙咀特遣小隊，做尖沙咀警署防衛工作，23:10尖沙咀分區處理警司陳秀玉(音)指示，23:20離開警署，23:23去到油麻地地鐵站進行掃蕩，到L1月台，有救護員要用升降機，幫手清空升降機，當時升降機內有市民，地下有雜物，包括P1背囊，阻住一名坐輪椅人士出入；背囊都幾墜手。
主控呈上P1，但證人表示已經唔記得，未能確認主控所講嘅細節；同意升降機內無其它袋，把背囊放在升降機門外地下，幾分鐘後，見18615搜查背囊，證人在附近做防衛，期間無其他人接觸過。
播放P13《東網》即時新聞片段，播放器時間03:51～04:06，見被告從升降機行出，證人對這畫面無印象，但當時係在月台，應該係這畫面之後進入升降機叫人出嚟，片段跳到23:25，畫面見到背囊在升降機門外，證人話畫面見唔到自己；主控嘗試由03:51再播放，叫證人如果見到自己就叫停，但播到08:00都未見，主控取消播片。
[15:17]
辯方盤問主問時講23:23去到係推算出嚟，有同事負責mark 時間，記事冊有寫低，唔知片段嘅實時，記事冊嘅時間係推算出嚟，唔係即時mark低，證人有同其他同事講幾時到達，包括18615。
證人去到油麻地站時，無封站無封月台，月台有雜物，唔見有警員看管。
播P13 13:11~13:44，東網記者指地上有消毒藥水、豬咀、索帶…等好多雜物，亦有黑色背囊，稱警方曾經打開過，現場混亂。
證人穿軍裝到場做掃蕩，協助清空升降機，見到背囊墜手，唔肯定係庭上同一個，無打開過背囊，唔知係邊個嘅，第一眼見到係在升降機內，後來放在升降機門外，見到18615搜袋；律師引述證人在9月21日的口供「其後得知18615搜袋」，指「其後」和「見到」有分別，證人解釋係在油麻地站見到18615搜袋，但唔知佢攞咩出嚟；由擺出門外到18615搜袋，相隔約幾分鐘，但唔確定幾耐，證人無看守背囊，唔係一直望住。
[15:35]
林官詢問點解講在見到被告的畫面後入升降機，有咩根據？證人解釋係同一程lift ，因為lift 內非常多人，塞滿晒人，唔係一般搭lift 情況。[15:40]
控方覆問證人確認片段中03:50～04:06期間，係在升降機附近，lift 門無閂過。
證人作供完畢。
控方播放警方對P4彈叉做測試的錄影片段，長約9分鐘。
控方舉證完畢。
[15:52]
辯方中段陳辭無人見到被告與背囊P1有關，PW1確認被告出lift 無攞嘢，無人講現場有封鎖，P13片段嘅記者見到地下有物品，唔係警員都可以接觸，現場混亂。
各證人唔知背囊從何而來，接觸背囊嘅時間唔相連，無證據指連接。
PW3對升降機嘅證供混亂，一時好多人一時無乜人，唔見被告出入升降機，就算升降機門無閂過，唔等如被告出和 PW3 入係同一程lift ，PW3在片段中見唔到自己，唯一嘅理據係話lift內人多。
證物鏈斷裂。
控方回應辯方指證人不相連，證物鏈不足。背囊內有被告身份證和個人八達通，袋內有攻擊性武器，要求法庭作推論。
證物鏈有連接，PW3發現背囊，取出到lift 外，位置在P13片段中兩名警員之間，PW3見到PW2搜背囊；時間上PW3見到PW2，PW2見到PW1，位置係在同一升降機附近。
PW2話一直看守背囊，係承信問題；盤問PW1時話身份證在被告身上，都係承信問題；應交由陪審員決定。
林官需時考慮表證是否成立，明日裁決。
被告繼續保䆁。
