真。香港人 - 討論組

#中国香港终极奶妈

【政務SEE〡林鄭：退下來，我在香港都沒甚麼事情做，也根本不出現】
全文：連結於留言區
世人經常用「人走茶涼」形容退下來嘅政治人物，唔知呢句說話放喺前特首林鄭月娥身上又適唔適用？近年喺香港鮮少露面嘅林鄭，噚日（8日）應邀到南京出席活動，致辭期間吐心聲：「退下來，我在香港都沒甚麼事情做，也根本不出現」。聽到呢句說話，阿絲就想同林太講，可能仲有好多海內外港人諗起你呢。
《文匯報》報道，前特首林鄭月娥噚日（8日）應「香港科技教育文化學會」邀請，喺南京出席公開活動。根據報道片段，林鄭致辭時候話「一國兩制」係要長期支持嘅制度、香港要更好融入國家發展大局、要同中國增進了解。
講到呢度，佢突然話鋒一轉，坦承「我退下來，我在香港都沒甚麼事情做，也根本不出現」。相反，佢話喺中國「做了一些事情，主要是應邀到內地的大學」。咦，咁係香港本地大學冇提出邀請，定係林太唔去本地大學，阿絲就唔知嘞。
報道片段所見，當時台下聽眾大約有唔夠100人，其中包括林鄭嘅丈夫林兆波。
〡議員轟前特首辦年花917萬 林太：不予置評
翻查資料，林鄭上一次喺香港出席嘅公開活動，係上月24日出席「香港湖北社團總會30周年會慶」。不過，《文匯報》全文近2,700字嘅報道，只係見佢擔任主禮嘉賓，未見有發言內容嘞。
不過最近關於林鄭嘅熱門新聞話題，係佢租用金鐘甲級商廈太古廣場嘅「前特首辦」，一年要用公帑917萬元。建制議員大鬧豪奢，要求政府檢討，有報章政治專欄直斥係「不豪不租，吃相難看」。不過，林鄭透過辦公室話「不予置評」，仲話安排係「經立法會財委會批准」。
親民黨李梓敬就反駁林鄭「思維錯誤」，仲話「市民點會唔憤怒？」但阿絲近期頻見香港唔少甲級寫字樓租用率奇低噃，林鄭花咁多公帑租寫字樓，或者都可以托下個巿呢，用心良苦㗎。
另外，林鄭喺2022年6月30日退任特首之後，其實都想展現親民形象，仲幾次俾人見到佢喺灣仔、粉嶺街市買餸㖭。不過，工聯會「小花」陳穎欣就鬧「跨區買餸係『做騷』」，仲問「咁鍾意落區，點解佢在任嘅時候唔落呢？」
阿絲想引用黃子華名句，一個政治人物係唔係受歡迎，「唔帶保鑣、單人匹馬行入一個大型屋邨」就一清二楚，唔知林太又敢唔敢測試呢？
#林鄭月娥 #特首 #前特首辦
｜專業報道 文字有價｜
$90一個月支持獨立媒體成長
立即訂閱：www.patreon.com/photonmedia
單次捐款/年訂：https://photonmedia.net/subscribe/
｜媒體合作 廣告推廣｜
度身訂造助您推廣業務
[email protected]
｜報料！報料！｜
TG @photonmediaTG

2024年，如果你仲信因果報應，你瞓醒未？