真。香港人 - 討論組

關於香港政府擬於23條增加的「非法操練罪」

近日香港政府正式就23條立法展開嘅咨詢條文入面，第3章：叛國及相關條文加入咗「非法操練罪」，其原文如下：

(d)完善現行的「非法操練」罪，以禁止接受或參與涉及境外勢力武器使用訓練、軍事練習或變陣演習，及禁止配合境外勢力提供該等訓練、練習或演習。

好明顯如果包含呢條條文嘅23條正式立法之後，所有喺外國參軍嘅香港人係即時會犯「非法操練罪」。而本channel 可以講係完全踩中，有見及此我哋緊急呼籲：

1 - 最緊要係保障個人私隱。Telegram 係一個以隱匿性見稱嘅通訊軟件，各位TG用家應該好好善用呢一點，絕對唔好經常錄音以及自爆真身。

歐美各國絕對唔會將軍人名單同中國互通。只要你唔同人講，原則上中國係唔會知道你想/已經參咗軍。

2 - 想參軍嘅絕對唔好番香港。世上無密不透風嘅牆，對於已經參軍嘅香港人真正身份，各方勢力都係好有興趣。

3 - 已參軍嘅儘快退出中國籍。雖然「中國人」呢個身份比有線更加難cut，但點都要一試。

最後再次強調，保障個人私隱，切勿TG見真身。