劉業強五次求籤始成功 解籤師傅：意頭唔好，佢個心都唔定

[emily]

劉業強五次求籤始成功 解籤師傅：意頭唔好，佢個心都唔定
https://bit.ly/3wahAtY

鄉議局主席劉業強按傳統，於年初二車公誕到車公廟為香港求籤，惟四次求籤均跌出多於一枝竹籤。他再跪拜車公後，在第五次求籤才中籤，求得第15籤「中籤」。車公廟解籤師傅陳天恩指，劉業強四次求籤不成功「意頭唔好」，「可能佢自己個心入面都唔定，唔知會求到點樣，一驚起上嚟咪跌晒籤出嚟」。

求籤活動原由民政事務局局長負責，不過2003年時任局長何志平為香港求符下籤，同年爆發沙士及五十萬上街，翌年改由鄉議局主席負責。

[emily]

劉業強為港求得中籤 解籤師傅：香港整體「麻麻地」、經濟如走進八陣圖「氹氹轉」
https://bit.ly/4bB35PW

今日是大年初二車公誕，鄉議局主席劉業強按傳統，在早上到車公廟為香港求籤，求得中籤，籤文為「斧斤持以入山林，未得之時那處尋；損了良材失却力，獻君留住待春臨」。車公廟解籤師傅陳天恩指，該籤屬「中下籤」，香港今年整體將會「麻麻地」，本地經濟將如走進八陣圖「氹氹轉」，「走嚟走去都未返得出嚟」，而車公奉勸要「唞一唞」，待春天來臨，經濟便會有好轉。

鄉議局主席劉業強今早7時，率領沙田鄉事委員會主席莫錦貴等到車公廟為香港求籤。主持介紹劉業強時，誤稱為其父親劉皇發。

今早朝拜儀式期間，劉業強四次求籤不成功，再跪拜車公後，求得第15籤，籤文為「斧斤持以入山林，未得之時那處尋；損了良材失却力，獻君留住待春臨」，解曰「家宅平吉，占病作福，婚姻不合，自身平安，求財未遂」。今年為劉業強自2018年起連續7年求得中籤。

劉業強指，香港經濟近年差，股市及樓市持續向下，但籤文指春天來臨時就會有好轉，期望政府不要再浪費時間及資源，盡快「出招」救經濟，例如「減辣」及減印花稅，又指香港要繼續舉辦盛事，帶旺香港。

他又提到，籤文「斧斤持以入山林」，是形容「山林入面有好多樹可以斬」，認為政府不應只搞創科，都要顧及金融和地產。

[emily]

解籤人唔可以公開講嘅嘢, 等我嚟講啦

*斧斤持以入山林*
寓意係政府周圍去搶人才, 但係來勢凶凶, 惡形惡相
入山林比喻有人才嘅地方, 但係好大範圍, 因為風水學文昌位係屬木, 山林即係聚集好多木嘅地方, 可惜"斧斤持以", 即係好似揸住把斧頭, 惡形惡相, 啲人才見到應該都怕怕, 怕唔啱就俾佢劈 (即係講緊啲國安法23條就好似把斧喺你面前咁, 劈唔劈落嚟係佢話事)

*未得之時那處尋*
承上句, 好似一直以往咁"正常宣傳"搵唔到人才, 就去搞埋啲「香港人才服務窗口」, 大三學生都可應聘公務員, 即係話都係去啲大學度搵知識份子

*損了良材失卻力*
花咗咁多人力物力去搞所謂專才計劃, 不單止未能夠有效咁搶人才, 而且本來喺香港嘅人才都流失咗, 因為好多都移民, 驚咗國安大法同埋23條

*獻君留住待春臨*
春臨, 喱度唔係指春天, 係指播種, 灌溉嘅日子, 寓意即係話而家仲喺嚴冬之中, 仲要捱一段時間, 所以而家手頭上有嘅嘢, 即係啲大學生, 啲經驗淺嘅年輕在職人仕, 佢哋都係自動被"獻"到比卡超手上, 比卡超就要好好珍惜佢哋, 留住佢哋, 唔好俾佢哋流失, 直至去到"春臨", 即係經濟有轉機嘅時候, 他朝一日就可以培植佢哋成日社會棟樑, 所以而家就唔好搞埋啲咩23條, 唔好所謂有法用盡, 俾多啲空間香港人, 唔好再迫走啲人才喇