英國香港人工作支援群組
ManDy LeuNg
經常見好多同路人黎到都因為搵工好氣餒
不如我分享下我誤打誤撞既經驗啦
之前黎左成年，搵極工都無回音
淨係靠另一半+積蓄支持住
認真真心對自己有懷疑架因為之前喺香港咁多年都係做sales，細個又讀唔到書，重要嚟咗一個重Geordie口音嘅地方，頭半年簡直係懷疑自己嘅英文係咪真係差到咁，連喺超級市場買嘢對答都需要勇氣
有日喺Facebook見到附近有黎緊開張嘅酒店，經由council開咗一個課程，咁心諗橫掂喺屋企冇嘢做，當聽多啲人哋講英文學吓嘢都好呀，起碼都要知道呢邊做野既玩法係點。。。
報咗名，佢係一個10日嘅課程，估唔到有咁多英國人一齊上堂，每日上堂都迫自己盡量去明人哋講咩，不停抄notes 
過咗一個禮拜，個導師同我哋講安排咗三日後喺球場上堂，星期四會interview 
咁大個女第一次踏足英國球場，估唔到就係係咁嘅情況之下酒店行業對我來講，好陌生，自己喺英國最想做嘅嘢就係自閉返工，盡量唔使同其他人接觸
所以當佢問我想做啲咩，我揀咗House Keeper 係呀，真係厭惡性工作嚟㗎，執吓房，洗下廁所，頂得順嘅話， 返六點喺餐廳吸埋塵拖埋地
經歷完interview之後，隔兩日就已經收到Offer，仲要係full time員工，雖然都係計時薪，但係假期福利照有
呢份工，絕對推翻我對英國人做嘢好Hea嘅概念
不過正面啲睇，咪當做gym囉
而家嘅我真心好佩服做清潔嘅姐姐，喺香港佢哋屬於低下層，但係自己做過先知道清潔都要有腦架點樣慳力，點樣唔會整親，點樣快手啲真係讀書冇教唔覺唔覺做咗半年，今個月尾阿姐同我講，嚟緊俾我升supervisor，證明耷低頭係咁做、香港人捱不死嘅精神係會有成績

各位未搵到工嘅，真係唔使灰心，可以好似我咁睇吓council有乜嘢介紹，因為佢哋都有一個好似勞工處咁嘅部門，可以安排見工，或者上下堂都得。即使我而家做咗半年，佢哋都會派人嚟酒店睇吓我做成點，有冇嘢需要support，呢啲嘢真係意料之外
香港人，加油呀
