【王梓軒：我爸是王英偉】

[emily]

【王梓軒：我爸是王英偉】

今日文匯報娛樂版報道王梓軒以主持及監製身分出席香港國際影視展，宣傳自己去年成立娛樂製作平台，頭炮係佢監製的新劇。

王梓軒係乜水？佢係前藝發局主席王英偉個仔，有藝發局主席做老竇好幸福。

2013年，王梓軒想做歌星，藝發局用270萬舉辦校園藝術大使計劃嘉許禮，請咗兩個歌星做表演嘉賓，一個係鄧紫棋，另一個係王梓軒。

藝發局向校園藝術大使推介中英劇團、香港中樂團等節目，點知仲推薦王梓軒演唱會，並向學生派發300張演唱會門票。藝發局當日回覆壹傳媒旗下《爽報》，聲稱門票由「善長仁翁」捐贈。

王梓軒有爸爸錫又有媽媽錫，媽媽王簡美蓮當年正是王梓軒經理人，亦是王梓軒唱片公司OMF Music的董事。

2015年，王媽媽同王梓軒出席國際電影節《智取威虎山》首映，王媽媽嫌座位太前，向職員表示「導演請我嚟，我係王主席太太」。當年明報報道此事，王梓軒承認屬實，話「沒有不快事情發生」。

王梓軒做歌星咁耐半紅不黑，點知轉頭在香港國際影視展宣傳自己做咗劇集監製。香港國際影視展由香港貿易發發局主辦，協辦機構包括香港電影發展局。

大家估下香港電影發展局主席係邊個？

當然係王梓軒老竇王英偉啦，否則仲有邊個覺得王梓軒係影視界啊？

#20240314