感激大家尋日冒暴雨參與譴責曼城中共領事館人員襲擊和擄走示威者事件聲援遊行再次感謝尋日約千五位參與聲援遊行嘅朋友，除咗香港人之外，仲有嚟自不同族群嘅友好。證明我哋從未忘記，即使身處英國，我哋未有停落嚟，仍然積極關注香港民族同所有受中共迫害民族嘅權益同埋英國國家安全。
多謝大家預咗做硬落湯雞，都無放棄出嚟集會遊行，而且大部分都喺狂風暴雨下同我哋一路堅持遊行，沿途叫口號同派文宣。就算有啲朋友淋到濕哂或者體力上行唔到，都會用其他方法去到中國大使館，陪埋大家完成最後嘅環節。
活動完咗之後，會發覺大家雖然濕身，但都希望以行動，話俾所有人（尤其香港嘅手足）知道，我哋係唔會咁易放棄對抗中共！而我哋相信，呢一份堅持同付出，亦都會成為日後光復嘅重要力量。
我哋亦抱歉由於人數遠遠超出預期，集會期間企後面嘅朋友可能會聽得比較辛苦。而因天氣情況，我哋亦只能趁未落雨時完成嘉賓發言環節，最終於大約5點起步。
再次多謝大家體諒。風雨同行，莫失莫忘！
齊向暴政說不！Say no to tyranny!
香港獨立，唯一出路。
圖片credit: instagr.am/lsb.co/
