#暴大 ，名不虛傳；連校董都咁勇武。 😉 #曲
發表於 : 週六 10月 29, 2022 4:38 pm
利世民
#暴大 ，名不虛傳；連校董都咁勇武。
#曲
又，或者某啲人，非常投入佢嘅角色，要切合國情， #小粉紅 嘅水平，就係講唔過人就喊打喊殺 。
但最劣嘅，就係得把口叫人隻揪，但其實本身只係一條油頭粉面嘅中佬。
係喇喎，假如個個睇你唔順眼都可以撩佢隻揪，恐怕三個鐘頭內，一係證明你好打過李小龍，又或者送你去見佢。
認真咁講，唔係人人都係精英，更唔係人人都有品格做大學校董；大學喎，校董喎。
可惜，政府委任嘅，無得罷免。
政府威信點解咁低？咁就要睇政府委任嘅人嘅質素囉。
我平時好少會講人，因為我深信人嘅行為，主要受環境影響。點解有人氣焰囂張？就係因為呢個地方已經淪為一個有權大哂嘅專制社會。
禮崩樂壞，就係咁解；仲要係大學校董會裡面有人咁失禮。知恥嘅，應該為自己嘅行為感到內疚，然後公開道歉，甚至主動辭職。
當然，以上所講，係假設某啲人仍然知道乜嘢係禮義廉恥。話說回來，以前香港人叫某黨做 #禮義廉，真係抬舉；四個字，四個都唔中喇。
香港係由亂入治，定係由治入亂呢？ 2019 年 6 月幾百萬人上街，可以行完之後條街連垃圾都無，呢啲唔係治咩？
大學校董會入面可以有人撩隻揪，呢啲仲唔叫亂？
剛才話禮崩樂壞；禮崩樂壞嘅起點，就係因為有權嘅人帶頭顛倒黑白是非，指鹿為馬。
所以，我哋如果係想保存香港嘅精神同文化，首先係要時刻提醒自己，唔好變成好似佢哋咁。
禮失求諸野，去佢哋影響唔到我哋嘅地方，繼續好好咁做返自己；最重要係佢哋影響唔到，我哋自己嘅內心世界。 #善護念
#暴大 ，名不虛傳；連校董都咁勇武。
#曲又，或者某啲人，非常投入佢嘅角色，要切合國情， #小粉紅 嘅水平，就係講唔過人就喊打喊殺 。
但最劣嘅，就係得把口叫人隻揪，但其實本身只係一條油頭粉面嘅中佬。
係喇喎，假如個個睇你唔順眼都可以撩佢隻揪，恐怕三個鐘頭內，一係證明你好打過李小龍，又或者送你去見佢。
認真咁講，唔係人人都係精英，更唔係人人都有品格做大學校董；大學喎，校董喎。
可惜，政府委任嘅，無得罷免。
政府威信點解咁低？咁就要睇政府委任嘅人嘅質素囉。
我平時好少會講人，因為我深信人嘅行為，主要受環境影響。點解有人氣焰囂張？就係因為呢個地方已經淪為一個有權大哂嘅專制社會。
禮崩樂壞，就係咁解；仲要係大學校董會裡面有人咁失禮。知恥嘅，應該為自己嘅行為感到內疚，然後公開道歉，甚至主動辭職。
當然，以上所講，係假設某啲人仍然知道乜嘢係禮義廉恥。話說回來，以前香港人叫某黨做 #禮義廉，真係抬舉；四個字，四個都唔中喇。
香港係由亂入治，定係由治入亂呢？ 2019 年 6 月幾百萬人上街，可以行完之後條街連垃圾都無，呢啲唔係治咩？
大學校董會入面可以有人撩隻揪，呢啲仲唔叫亂？
剛才話禮崩樂壞；禮崩樂壞嘅起點，就係因為有權嘅人帶頭顛倒黑白是非，指鹿為馬。
所以，我哋如果係想保存香港嘅精神同文化，首先係要時刻提醒自己，唔好變成好似佢哋咁。
禮失求諸野，去佢哋影響唔到我哋嘅地方，繼續好好咁做返自己；最重要係佢哋影響唔到，我哋自己嘅內心世界。 #善護念