真。香港人 - 討論組

【5月2號｜地方選舉】 🗳

2024年地方選舉於今日舉行：當中包括 警察和犯罪事務專員選舉，地方政府選舉，倫敦市長及倫敦議會選舉等。大家可以喺 https://www.gov.uk/find-local-council 搵到自己個選區；喺 https://whocanivotefor.co.uk/ 搵到候選人嘅資料。

有咁多種選舉，究竟我投緊比邊個？

1. 地方政府 (Council) / 市長 (Mayor)
地方政府類比香港嘅區議會，市長負責主持地方政府嘅會議，確保地方政府探討社區關注事項，亦代表大眾向行政部門問責。涵蓋不同的社區議題：例如交通，經濟發展，房屋以及教育。例如倫敦市長負責管理倫敦交通局同交通擁堵費。

喺某些地區，例如大倫敦，大曼徹斯特郡和西約克郡，地方政府也有警察和犯罪事務嘅職責。例如，倫敦警察廳的預算有大約30%來自市政府，其餘則來自英國政府。

2. 倫敦議會 (London Assembly)
倫敦議會有25位議員，當中有14位議員代表個別選區，11位為民選議員。倫敦議會議員主要嘅權力在於批准或否決市長 204 億英鎊嘅預算計劃。 佢哋亦會審查市長嘅政策，並檢查呢啲政策是否有效。 倫敦議會每年會舉行 10 次市長提問時間，向市長問責。

3. 警察和犯罪事務專員 (Police and crime commissioner)
警察和犯罪事務專員負責一個地區嘅 「整體警務」，旨在減少犯罪同提供高效嘅警務服務。佢哋會參與警方嘅日常運作，但可以任命同罷免警察局長，制定警力預算同目標，包括傾聽社區嘅需求、制定警隊嘅目標以及對警察局長進行問責。


如果你已登記做 選民，你（或指定的代理人）可於今日前往投票站投票。當日無需攜帶投票卡，但需要提供帶有照片的有效身份證件，如護照及駕駛執照。投票站開放時間為 7:00 至 22:00。

#Vote4HK
#一票在手 #以民主撐民主
#2024英國大選
——————
Website: https://www.vote4hk.uk/
Instagram: https://www.instagram.com/v4hk.uk/
***

一個仲會宣傳抗爭活動嘅英國TG公海
加入TG公海

BHK Support 🗳Vote for Hong Kong 2024 UK🗳