2022-9-11 || 節錄 - manlinthanks
發表於 : 週日 10月 30, 2022 4:36 pm
2022-9-11 || 節錄
中秋節快樂
上星期係寫冇信嘅，封信唔係去咗平行時空，而係我生緊仔(求情信)，一直都生唔出，直到前個幾晚係我比自己最後預產期。經歷咗幾日分娩嘅陣痛，個仔終於喺4/9晚出世
! 然後10/9不幸地喺
地院夭折。
唔緊要啦
，過程重要過結果，所謂那些美好的路我已走過，盡咗力問心無愧就得，呀仔個樣
永遠烙印喺我心入面
估唔到一切都發生得咁快，本來以為會押後2星期先判，但原來佢哋自己傾好咗10/9判，我一啲心理準備都冇。突然要我中秋節轉換新環境，一個完全唔熟悉嘅地方，嚇到我瀨晒屎
好趕咩，反正都冇得直出，點解唔喺熟悉嘅地方過埋中秋先呢？
焦慮到我呢…無啦啦喊咗，陳社工話得我啱，要出去接受輔導先得
仲要朝頭早上庭，連加餸個梨
都冇食到，返嚟亦都追唔番， 蝕晒比CSD
喺邊嗰啲屎橋要中秋判，係咪諗住博減刑？少年太天真了，未坐過監嘅人真係唔會明，
節日上庭判刑係咩感受……
哎…… 有苦自己知。適逢呢兩日假期，本身有得舒舒服服坐Day Room整吓嘢食happy下，而家困咗係單人倉成日冇得出嚟，等閒日先有得落山。可能會有人鍾意嘅，難得耳根清靜，但對於怕孤獨嘅我來講，簡直係世界末日！ 好彩佢兩個喺我隔離嘅隔離，得閒講兩句都好少少。
今日全日就係睇電視、報紙、寫信。
明報頭版🗞
係我瞓咗一晚臭格、冇得沖涼、m到第二日、成晚冇覺好瞓、坐9車極崩潰嘅樣
，我嘅形象啊
有人心地唔好！反而verdict之後嗰日東方🗞我張相就好靚 係pressCon影嘅，散發着美麗自信嘅氣息。今日冇東方睇，唔知係咪都係用靚相呢？
不過轉個角度，早判早出嚟，反正嗰一隻點都要受。其實最理想係七月中審完，八月中判埋，宜家突晒啦！！！啲心地唔好嘅人要小心地滑，到死嗰日都要記住佢。呀！！
…….要搵返我嘅平靜安穩先得～
manlinthanks
中秋節快樂
上星期係寫冇信嘅，封信唔係去咗平行時空，而係我生緊仔(求情信)，一直都生唔出，直到前個幾晚係我比自己最後預產期。經歷咗幾日分娩嘅陣痛，個仔終於喺4/9晚出世
! 然後10/9不幸地喺
地院夭折。唔緊要啦
，過程重要過結果，所謂那些美好的路我已走過，盡咗力問心無愧就得，呀仔個樣
永遠烙印喺我心入面
估唔到一切都發生得咁快，本來以為會押後2星期先判，但原來佢哋自己傾好咗10/9判，我一啲心理準備都冇。突然要我中秋節轉換新環境，一個完全唔熟悉嘅地方，嚇到我瀨晒屎
好趕咩，反正都冇得直出，點解唔喺熟悉嘅地方過埋中秋先呢？焦慮到我呢…無啦啦喊咗，陳社工話得我啱，要出去接受輔導先得
仲要朝頭早上庭，連加餸個梨
都冇食到，返嚟亦都追唔番， 蝕晒比CSD
喺邊嗰啲屎橋要中秋判，係咪諗住博減刑？少年太天真了，未坐過監嘅人真係唔會明，
節日上庭判刑係咩感受…… 哎…… 有苦自己知。適逢呢兩日假期，本身有得舒舒服服坐Day Room整吓嘢食happy下，而家困咗係單人倉成日冇得出嚟，等閒日先有得落山。可能會有人鍾意嘅，難得耳根清靜，但對於怕孤獨嘅我來講，簡直係世界末日！ 好彩佢兩個喺我隔離嘅隔離，得閒講兩句都好少少。
今日全日就係睇電視、報紙、寫信。
明報頭版🗞
係我瞓咗一晚臭格、冇得沖涼、m到第二日、成晚冇覺好瞓、坐9車極崩潰嘅樣
，我嘅形象啊
有人心地唔好！反而verdict之後嗰日東方🗞我張相就好靚 係pressCon影嘅，散發着美麗自信嘅氣息。今日冇東方睇，唔知係咪都係用靚相呢？不過轉個角度，早判早出嚟，反正嗰一隻點都要受。其實最理想係七月中審完，八月中判埋，宜家突晒啦！！！啲心地唔好嘅人要小心地滑，到死嗰日都要記住佢。呀！！
…….要搵返我嘅平靜安穩先得～
manlinthanks