2022-8-28 || 節錄 - manlinthanks
發表於 : 週日 10月 30, 2022 4:38 pm
2022-8-28 || 節錄
之前有冇同你哋講過有個「家國情懷．我寫我想」系列嘅比賽。我參加咗硬筆書法，輸9咗，連安慰獎都冇，諗住呃糖仔食下㗎嘛。
我諗住國民教育系列嘅比賽出手應該唔低吖，最低限度參與獎都應該有粒糖仔食下吖嘛， 又話國安經費成80幾億，洗咗去邊？都係想食粒牛奶糖啫
培養愛國心失敗，可能因為我揀錯題目啦，佢有3個題目，2個係歌詞《我的中國心》、《我的祖國》，1個《禮記．大學》。歌詞真係唔識抄，太深奧，我冇噉嘅學術水平，輸得心服口服 本身諗住攞張cert求情呈堂，以示我洗心革面成為一個好有愛國意識嘅更新人士㗎嘛，啱唔啱先。
我個身啲疹越嚟越嚴重。本身肚皮、大髀退咗㗎喇，而家又起返晒。今個星期二又登記咗睇獸E，其實佢真係唔係好識睇皮膚病… 佢連我啲皮咩事都講唔出，剩係話轉介皮膚科。呢度皮膚科要排2年幾㗎，而家先睇到20年排嗰啲，排得嚟我都全身潰爛體無完膚。佢轉咗隻藥膏畀我搽，上次Sinena，今次Hytro（白色底橙色間），但好似又嚴重咗，仲紅腫多咗含膿，到底係因為隻藥膏轉咗，定係天熱本身都嚴重咗？於是我決定做人體Control study，左邊Sinena，右邊Hytro，背脊唔搽。
研究發現唔搽最嚴重，成大片紅腫。然後藥呢，Filligen（唔識串）食完太眼瞓，所以試下食黃丸（Piriton）就算，發現冇乜分別，食完Piriton瞓得好啲第二朝起身會冇咁紅。
總結：汗、體溫、睡眠有關，好科學，好STEM
所以真係要返樸歸真，帶2條毛巾出街，一條抹濕、一條印乾；中午換套衫，係咪玩9自己？一返倉，9萬樣嘢要自己洗，洗完又要搵位晾，熄燈要收衫，剩用Johnson沖涼唔用洗手液。運動都唔敢做啊，一出汗就好紅腫，旁人見到都叫我唔好做快啲沖涼，所以而家肥咗/3\
本身有諗過停C飯，唔知係咪因為啲油/鹽/牛/海鮮/菇；但再諗，停咗仲衰，一星期3餐牛2餐魚，自己唔食就冇嘢好食可以食
，加上營養不良係咪仲衰呢？我都唔知食唔食好。
生埋上臉真係人生已完，頸開始有㗎喇，有啲驚
求偏方+關注，1 like = 1 support
唉～本身今日堅諗住寫求情，但都係靈感未到… 頭先同同倉啲人傾計， 畀咗少少inspiration我。又提醒返自己我是誰，做緊乜，點解噉做。
有個倉友好擔心自己Total～6個月嘅堅靶刑期（扣晒所有認罪/行為良好），日日祈禱想早啲出去。間唔中都見到佢若有所思噉喺度食煙，我試過係佢發呆嘅時候有嘢搵佢，將佢由遙遠嘅想像入面拉返嚟現實。佢話自己諗到好遠喇，後來先知其實都係嗰6個月，於是有啲人半帶苦中作樂笑住同佢講，叫佢唔好諗咁多，間房入面所有人都入咗嚟1年或以上，有啲高院褲嘅（實際刑期扣晒所有3年半起跳）都仲好開心吖，意思「人哋有排坐都未擔心，你擔心啲咩呢」。
從數字上睇的確高院褲嘅人係比較「有資格」去sad，但每個人嚟到監房，面對自己曾經做過嘅事，每個人都唔同，點樣去克服係自己嘅課題。其實係用唔到資格論，冇得去比較你早啲走，所以你冇資格去怨自己嘅命運，怨自己以前嘅經歷。
引申到1個點，唔止YC案，所有案都係：肉身可以囚禁，思想唔可以。如果被單案嘅刑期/而家自身狀態困擾，咁連思想都被囚禁喺呢度，呢個係自己畀自己嘅枷鎖，只有靠自己諗通佢先可以live beyond this prison，唔係冇資格擔心，只係自己可以揀用咩心態去面對呢個處境，一切由心出發。
好眼瞓，藥效到
晚安～
manlinthanks
之前有冇同你哋講過有個「家國情懷．我寫我想」系列嘅比賽。我參加咗硬筆書法，輸9咗，連安慰獎都冇，諗住呃糖仔食下㗎嘛。
我諗住國民教育系列嘅比賽出手應該唔低吖，最低限度參與獎都應該有粒糖仔食下吖嘛， 又話國安經費成80幾億，洗咗去邊？都係想食粒牛奶糖啫
培養愛國心失敗，可能因為我揀錯題目啦，佢有3個題目，2個係歌詞《我的中國心》、《我的祖國》，1個《禮記．大學》。歌詞真係唔識抄，太深奧，我冇噉嘅學術水平，輸得心服口服 本身諗住攞張cert求情呈堂，以示我洗心革面成為一個好有愛國意識嘅更新人士㗎嘛，啱唔啱先。我個身啲疹越嚟越嚴重。本身肚皮、大髀退咗㗎喇，而家又起返晒。今個星期二又登記咗睇獸E，其實佢真係唔係好識睇皮膚病… 佢連我啲皮咩事都講唔出，剩係話轉介皮膚科。呢度皮膚科要排2年幾㗎，而家先睇到20年排嗰啲，排得嚟我都全身潰爛體無完膚。佢轉咗隻藥膏畀我搽，上次Sinena，今次Hytro（白色底橙色間），但好似又嚴重咗，仲紅腫多咗含膿，到底係因為隻藥膏轉咗，定係天熱本身都嚴重咗？於是我決定做人體Control study，左邊Sinena，右邊Hytro，背脊唔搽。
研究發現唔搽最嚴重，成大片紅腫。然後藥呢，Filligen（唔識串）食完太眼瞓，所以試下食黃丸（Piriton）就算，發現冇乜分別，食完Piriton瞓得好啲第二朝起身會冇咁紅。
總結：汗、體溫、睡眠有關，好科學，好STEM
所以真係要返樸歸真，帶2條毛巾出街，一條抹濕、一條印乾；中午換套衫，係咪玩9自己？一返倉，9萬樣嘢要自己洗，洗完又要搵位晾，熄燈要收衫，剩用Johnson沖涼唔用洗手液。運動都唔敢做啊，一出汗就好紅腫，旁人見到都叫我唔好做快啲沖涼，所以而家肥咗/3\ 本身有諗過停C飯，唔知係咪因為啲油/鹽/牛/海鮮/菇；但再諗，停咗仲衰，一星期3餐牛2餐魚，自己唔食就冇嘢好食可以食
，加上營養不良係咪仲衰呢？我都唔知食唔食好。 生埋上臉真係人生已完，頸開始有㗎喇，有啲驚
求偏方+關注，1 like = 1 support
唉～本身今日堅諗住寫求情，但都係靈感未到… 頭先同同倉啲人傾計， 畀咗少少inspiration我。又提醒返自己我是誰，做緊乜，點解噉做。
有個倉友好擔心自己Total～6個月嘅堅靶刑期（扣晒所有認罪/行為良好），日日祈禱想早啲出去。間唔中都見到佢若有所思噉喺度食煙，我試過係佢發呆嘅時候有嘢搵佢，將佢由遙遠嘅想像入面拉返嚟現實。佢話自己諗到好遠喇，後來先知其實都係嗰6個月，於是有啲人半帶苦中作樂笑住同佢講，叫佢唔好諗咁多，間房入面所有人都入咗嚟1年或以上，有啲高院褲嘅（實際刑期扣晒所有3年半起跳）都仲好開心吖，意思「人哋有排坐都未擔心，你擔心啲咩呢」。
從數字上睇的確高院褲嘅人係比較「有資格」去sad，但每個人嚟到監房，面對自己曾經做過嘅事，每個人都唔同，點樣去克服係自己嘅課題。其實係用唔到資格論，冇得去比較你早啲走，所以你冇資格去怨自己嘅命運，怨自己以前嘅經歷。
引申到1個點，唔止YC案，所有案都係：肉身可以囚禁，思想唔可以。如果被單案嘅刑期/而家自身狀態困擾，咁連思想都被囚禁喺呢度，呢個係自己畀自己嘅枷鎖，只有靠自己諗通佢先可以live beyond this prison，唔係冇資格擔心，只係自己可以揀用咩心態去面對呢個處境，一切由心出發。
好眼瞓，藥效到
晚安～manlinthanks