《反恐條例》首案 第17天｜播被捕後警誡錄影會面 控方證人黃振強指同謀者吳智鴻主導殺警計劃 並教唆慫恿他成為槍手一分子 他害怕被槍手「滅口」

[emily]

《反恐條例》首案 第17天｜播被捕後警誡錄影會面　控方證人黃振強指同謀者吳智鴻主導殺警計劃　並教唆慫恿他成為槍手一分子　他害怕被槍手「滅口」

【庭刊】《反恐條例》首案今（5月17日）在高院踏入第17日審訊，其中四名男被告被指為「屠龍小隊」隊員，參與12.8殺警計劃。控方證人、「屠龍小隊」隊長黃振強續接受辯方盤問。庭上首度播放黃被捕當日錄取的警誡錄影會面內容，顯示黃曾表示殺警計劃由同謀者吳主導，「我係唔知情同唔涉及喺裏面（炸彈及槍）」，又指吳「一路想教唆我、慫恿我，成為佢槍手嘅一分子」，以及自己曾害怕被槍手「滅口」。

代表首被告的辯方質疑，黃振強早前在庭上供稱錄影會面時狀態慌張等，但據辯方觀察，「你係冇表現得慌張嘅」？黃同意，但否認自己「對答如流」，又指「心理嗰啲好難解釋」，並一度指自己「衣衫不整」、惟在法官追問下收回說法。辯方指黃「為咗掩飾證供上嘅矛盾」，故欺騙法庭指自己狀態不好，黃否認。

辯方又指，黃振強曾向投訴警察課稱，被捕當日被便衣警員掌摑，警員掌摑他後問「信唔信831有死人，掟晒上挪亞方舟，掟埋你上去呀？可以送你返上大陸，你大陸仔吖嘛？你大陸係咪有親戚呀」，黃低頭大力呼吸後供稱「唔記得」。辯方直指「唔係因為你講得太多大話，你已經唔記得邊啲係大話，邊啲係真話？」黃否認。（全文）

#20240517新聞 #1208灣仔 #1220大埔 #1208北角 #1208荃灣 #11月元朗