「聲援台灣」快閃行動

[emily]

「聲援台灣」快閃行動
台灣藍白兩黨力推嘅所謂「國會改革」除咗引發議會內衝突，尋日亦有近十萬人喺台灣抗議反對法案。呢個「國會改革」當中最具爭議嘅「藐視國會罪」被指定義過於寬鬆，而最重點嘅係成個立法過程被質疑係黑箱作業、違反程序正義，缺少廣泛討論、有失程序正當性。唔少評論都指出國民黨（藍營）和民眾黨（白營）兩黨係中共喺台灣嘅代理人、中共黑手，透過強硬推法案令立法院權力無限擴大，將台灣立法院「香港化」，剝奪台灣自由人權。作為一班相信民主自由價值嘅香港人，無論身處邊度，只要喺面對唔公義嘅事，我哋都有責任發聲，共同對抗極權！而作為同樣受到中共極權侵害嘅香港人，我哋係更應該喺台灣人民受到脅迫嘅時候，聲援台灣！

我哋將會喺聽日（5月26日）下午1點 （VSSDM民主行遊行前），喺Granville Bridge (近Granville Loop Park）進行快閃舉牌聲援台灣行動。請大家都一齊參與！

日期：5月26日（日）
時間：1PM
地點：Granville Bridge (近Granville Loop Park）
註：請自備手舉牌