真。香港人 - 討論組

【Wedia編輯室】呀鄧生 乜六月有「敏感日子」咩？

//香港今次再揚威海外，成為全球唯一地方可以係監獄犯《國安法》嘅地方，續寫「美麗新香港」故事。三年內共收咗政府庫房130億國安開支嘅「秘密警察」，喺五月三十五日35週年之際以《維護國家安全條例》（23條）「煽動意圖的相關罪行」，拘捕還押獄中近三年嘅鄒幸彤，連同其母鄒劉華珍等六人都一同被捕。

保安局局長鄧炳強事後高調見記者，上演「生豬肉任砌」。佢指被捕人士涉及替鄒幸彤喺FB專頁「小彤群抽會」，利用某個將至「敏感日子」（六四）連續發布相關資訊同意圖煽動帖文。

「敏感日子」？其實鄧生呢個講法好煽動喎，點解你認為「六四」呢個日子係敏感呢？嗰日唔係咩都冇發生過咩？如果局長咁驚「六四」，其實不如申請禁制令，以後不准用「六四」…..相信香港黨中央法院一定好好配合，即時生效。

編輯讀得書少，但都知道「六四」係中國男子足球隊首次出戰世界盃決賽圈嘅重大日子。然而，首戰哥斯達黎加輸兩球，最終三場分組賽全敗零入波，成為「三零部隊出局」..............仲係偉大嘅「執葉律師」何君堯生日。

其實香港喺《國安法》、「23條」同埋百幾億嘅國安開支下已經係行穩致遠，繁榮穩定，間諜清零。不過而家一年有365個「敏感」日子，去到2047年嘅中國香港，人人實會話89無民運，64無死人......國家好，相信國家//

全文：https://bit.ly/3WTOtqa

相關文章：
【Wedia編輯室】松彪被捕必有後續 港國安或拉人回應
https://bit.ly/3UXPSKT
===============================
支持Wedia HK繼續發聲，贊助本網運作：
Patreon https://www.patreon.com/wediahongkong
報料或投稿：
Instagram https://www.instagram.com/wediahongkong
Facebook https://www.facebook.com
Threads https://www.threads.net/@wediahongkong