一1. 是日收信量：7封～上星期有信未回～
唔驚！《i swim》做曬，無Jeffrey
我多返一個鐘寫信！其實已經好勤力～上星期寄咗11封～（自己讚自己！）
2. 係信到得知有人聲稱自己個仔7月下筍上環被捕於19年嘅時候，然後得到唔少人幫助，我有少許看法，容我分享下：
我知間中就有呢啲呃錢case彈出嚟比人發現，都唔知仲幫唔幫其他case好。見到都攰，比完原來假嘅，破財又傷神。
但係，仲有好多手足未審，唔係個個都需要幫助，但一定有需要幫助嘅case。唔好因為騙徒而放棄手足，日後多查證，就能夠幫到真正有需要嘅手足。
想同被呃過錢嘅人講：唔好比呢啲人抹殺你嘅良善。
3. 是日無乜特別，都係個啲～同交更老細感情好，係無冷氣嘅地方佢會share自己部冷氣比我～
成日響我全朵咁叫我～同Minions 放風時吹水，講下大家嘅啊爸嚟探都係少嘢講，但見到佢就開心。
4. 所以又分享下蘿蔔嘅事～今次係：人哋啊爸啊媽係自己啊爸啊媽～
呢單係我同其中一條蘿蔔嘅事～由被捕個日我已經好關注呢位小蘿蔔。
同佢感情都幾好，同佢媽咪亦交換咗電話號碼Message傾偈。有一日係蘿蔔group分享一件佢媽咪同我講嘅事，唔係好記得乜事，好似係約上佢屋企玩？小蘿蔔睇group後問：「到底佢係你啊媽定我啊媽？點解我唔知
？」笑咗好耐。小蘿蔔有一段時間會同我講：「你啊媽話xxx」我叫佢啊爸啊媽亦改咗叫xx爸xx媽（xx：我個名）
就是咁！我多咗4個家人
～！8月份見到3個～！希望下年見到小蘿蔔～Local Yeah本土野
