經過一個月時間，大致開始調整好目前嘅生活節奏，日頭會忙各種文字上嘅安排，寫信呀、回信呀，小說創作等。夜晚返房之後星期一至五會先沖個涼，之後睇一陣報紙，8點聽下收得麻麻嘅收音機。到9點開始繼續文字工作或畫畫，直到我攰或10點鐘就上床睇小說
。星期六嘅話就要一返房就即刻準備聽橙咇咇，8點再開始好似平時咁做須要做嘅野，星期日就成晚瞓係床到聽收音機同睇小說 ¯\_( ͡◓ ͜ʖ ͡◓)_/¯。呀…仲有吉吉已經正式向橙咇咇作出第1次傳教，如果條件順利，日後會繼續進行傳教活動
+ 仲有我諗緊扮小妹到底係邊個…唔知係咪有段時間無乜跑步，星期六下午只係跑左我諗300-800米左右la，第2日小腿D肌肉就開始痛 (◐.̃◐)。不過係咪反向證明我真係做緊運動，所以先會有肌肉痛XDDD？其他扮運動或者運動強度唔夠肌肉無撕裂，所以先唔痛？XDDD。當然我知道咁分係唔啱la，但運動有無效，自己有咩feel自己先知
。唯一有D令我擔心嘅係七月底完唔到Ultraman Suit嘅畫O:=)。星期六用左接近一個鐘先完到隻右手前臂 “Orz … 以Size黎講，仲差左手前臂、腹部、左肩部份，之後到修正一次D線條、上色、做陰影，我諗大約再畫多2-3次左右就完到稿，希望係咁la XDDD。XDDD。
不過依家有時都開始偷懶 “Orz … 有可能2，3日先開始寫一頁，或者中間間中又停一停咁XDDD。
另外今日收到一D麻麻地嘅消息，就係吉吉嘅未來發展唔太順利…，不過呢樣都…無辦法？Em… 關於呢點係我頭痛左成年嘅間題 v( ‘.’ )v 。之但係又無好嘅方法去解決呢D人力資源嘅問題，變成有少少…空有大志而力不遞嘅感覺…。希望係將來可以解決到la…希望la…
2022.7.18
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail
