真。香港人 - 討論組

【停運預告】

抱歉為大家帶嚟呢個消息

封信子專頁將於2024年10月31日停止運作，請把握時間同筆友交換聯絡方法以便日後通信。新加入做筆友嘅朋友請盡量安排自己收信。

我哋已經用書信形式通知牆內嘅手足，為免信件延誤/寄失，歡迎親友&筆友都通知牆內嘅佢哋 筆友可以幫手問手足放學時間，如果放學時間為今年10月31日前，歡迎沿用我哋信箱。如果唔係，請商討之後通信安排如果手足需要徵求筆友，請於2024年8月31日前聯絡我哋，逾期將不獲處理，敬請留意。

如果寄信/收信有困難嘅朋友，請dm我哋一齊商討 我哋得知有一班有心人可以為大家處理信件，可以聯絡「長沙灣郵政局郵政信箱80378號」。喺到建議大家聯絡佢哋之前，聯絡咗我哋先，以免產生混亂。

喺到都重申一次，我哋非常重視牆內牆外嘅私隱，唔會將雙方嘅資料公開俾第三方，如果需要其他信箱協助收信，請自行向佢哋透露你嘅相關資訊。

慶幸同大家走過接近3年嘅時間，餘下幾個月嘅時間，我哋仍然會盡力支援。請大家也多多保重！勿忘牆內的每一位，持續寫信

封信子admin
2024年5月31日

fung1seon3zi2

由數名「寫信師」在 21 年 9 月成立的社交平台「封信子」，過去近三年除了寫信予在囚人士，亦持續為社會聯系較少的在囚者徵「筆友」和代其他寫信師寄信。

他們今日在 IG 宣布，封信子將於今年 10 月 31 日停止運作，「請把握時間同筆友交換聯絡方法以便日後通信」，他們亦已以書信通知在囚人若，若有在囚者仍想徵求筆友，需於8 月底前聯絡他們。

封信子又稱，慶幸與眾人走過近三年時間，「餘下幾個月嘅時間，我哋仍然會盡力支援。請大家也多多保重！」

封信子回覆查詢指，停運預告發出後收到不少人關心問候，有人擔心他們面對打壓，強調並非因政治因素決定停運，希望外界持續關心在囚人士，「每封信都係一份關心，即使任何囚權組織關閉都好，唔好停止寫信。」