喺嚟緊嘅英國大選，你嘅選擇會係根據參選人個人定係佢哋所屬嘅政黨嚟投票？呢個問題冇標準答案。英國選民普遍會以佢哋對政黨嘅取向決定點樣投票，但係候選人嘅個人特質亦都可以左右大家嘅投票意向。
大選過後，英國下議院最大黨嘅黨魁會成為新任首相，而由於每黨嘅議員都要「跟黨走」投票，所以往往選民都會首先考慮投邊個黨，而未必會了解當區候選人嘅背景同特質。
每黨都即將發表佢哋嘅政綱（Manifesto），內容包括經濟、教育、醫療等各方面嘅政策綱領。最近例子包括保守黨嘅脫歐立場同工黨嘅社會福利政策，呢啲都可能影響你嘅投票決定。
當然，候選人嘅個人質素、立場、同政績都非常重要。即使候選人嘅嘅政黨唔係首選，有啲選民亦可能因為某位議員喺地區社區做得好，或者欣賞佢哋喺國會嘅政績而選擇投票比佢哋。
一個議員亦都可能喺佢哋所屬政黨入面偏左/偏右，有時甚至會「唔聽黨話」，以自己政治理念或其他考量喺國會投票，所以候選人嘅個人特質亦都非常重要。
英國下議院最大黨嘅黨魁會成為新任首相，所以大家有幾信任或者鍾意一個政黨嘅黨魁都可以影響大家嘅選擇。
譬如係今次選舉，保守黨嘅辛偉誠 (Rishi Sunak) 將焦點放喺佢自己身上，並將保守黨嘅色彩淡化，希望大家記得佢作為武肺疫情期間嘅財相對國家嘅貢獻。而同時，工黨嘅施紀賢 (Keir Starmer) 一向被指個人魅力薄弱，所以競選材料個人色彩未如對手鮮明。唔知大家就覺得佢哋兩個勝唔勝任做首相呢？
無論你係基於咩原因投票，最重要係行使你嘅投票權，為你想要嘅未來發聲！確保你了解候選人同政黨最新嘅政策同立場，咁先可以做出明智嘅選擇。大選結果會影響未來幾年嘅政策方向，你嘅一票好重要！
#Vote4HK #V4HK
#一票在手 #以民主撐民主
#2024英國大選 #2024GE
***
一個仲會宣傳抗爭活動嘅英國TG公海
加入TG公海