真。香港人 - 討論組

11-7-2022（第一百九十四日）一
1. 今日收到6封信（以信封計算，入面計埋不止6封）非常開心嘅！但有兩件事有啲sad。講咗開心嘅先，收返部分之前寄失嘅信，好在大家文字版可以重印，亦有fd好醒，手寫之後scan咗save低，而家重印返比我，睇得好開心。
有一封信話係網上睇到我嘅信，覺得我好可愛，跟住追曬我啲信睇當我記實咗60封，都有百三封，睇曬好勁！亦好感動，有人睇我分享沉悶嘅日常同奇怪嘅想法而sad嘅係，收到朋友好需要我係身邊傾訴，而我唔係到。封信仲要遲到仲有一個對我好好嘅人去外國生活，佢本人無通知我，身邊熟嘅朋友無通知我，係以前工作地方識嘅一位友人話佢平安到埗先知。

2. 其中一封信提及旁聽，我想係到同旁聽師們講聲：辛苦曬&多謝你哋。
不論係19年定21年，我總係見到「你哋」，有啲嘢我諗佢哋唔想我寄，咁我簡單講句：上庭嘅日子有你哋，一啲都唔難過，甚至，當時期待第二日嘅下午～下午係最開心嘅時間某日，我諗咗八隻字比香港人，最近寫信都以此為結尾，依家比多次大家
絕望困境 更需彼此
如果你聽過，一定係發夢。不過能係夢中相見過，我希望你記得撐住。

3. 今日開始多咗一件事做，追《ISWIM》啊！魏浚笙好靚仔又超可愛。我迫Minion A要過嚟一齊睇，佢一做廣告就跑返去寫信。一做我就會叫佢返嚟，好忙啊佢～就是咁，我又少咗1個鐘寫信哈哈！不過我知大家唔介意嘅！而日常係每日必做嘅事，直至我出冊，堅持好難，但我會堅持落去，有啲嘢唔應該咁易放棄㗎嘛，係咪？係！
900幾篇日常到底有無咁多嘢寫呢～雖然成日諗嚟句，但都已經寫咗百九篇好！加油！七百幾篇！

Local Yeah本土野