真。香港人 - 討論組

#高等法院第七庭
#張慧玲法官
#1208灣仔 #1220大埔 #1208北角
#1208荃灣 #11月元朗
#審訊[36/70]

D1 張(23)（已還押逾35個月）
D2 張(21)（已還押逾35個月）
D3 嚴(21)（已還押逾35個月）
D4 李(24)（已還押逾45個月）
D5 賴(29)（已還押逾42個月）
D6 許(24)（已還押逾34個月）
D7 劉(24)

—————
控罪：
(1) 串謀犯對訂明標的之爆炸 [D1~D6]
(2) 串謀導致相當可能會危害生命或對財產造成嚴重損害的爆炸（交替控罪） [D1~D6]
(3) 串謀謀殺 [D1~D6]
(4) 意圖危害生命而管有槍械或彈藥 [D4]
(5) 串謀提供或籌集財產以作出恐怖主義行為 [D7]

—————
控方代表： 外聘 #周凱靈大律師 、 #劉允祥 高級檢控官、 #伍永杰 高級檢控官

辯方代表：
D1 #李國輔大律師 、 #于雋謙大律師
D2 #姚本成大律師 、 #陳雅琪大律師
D3 #梁鴻谷大律師 、 #柯愷欣大律師
D4 #林芷瑩大律師 、 #何正謙大律師
D5 #是香媛大律師 、 #余承熹大律師
D6 #陳偉彥大律師 、 #黃思希大律師
D7 #馬維騉大律師 、 #容潔礬大律師

==========
[08:50] 開庭

傳召PW2 彭軍壕

控方主問
主控向彭軍壕確實見過「免予起訴書」，得到法律意見，叫彭在庭上閱讀，隨後彭表示明白。

彭於2020年1月17日被拘捕，1月18日在東區裁判法院提堂，2022年10月3日在東區法院承認：串謀犯對訂明標的之爆炸，交替控罪和串謀謀殺，獲撤銷控罪。2024年4月10日獲發出免予起訴書。

2014年認識吳xx
彭認識案中的吳xx、D2張、D4李、D5賴、D6許、張xx、和Hans，早在2014年認識吳xx，再識D6許，被招攬入吳的「鐵馬組」做前線，成員有D6許和Hans；2014年後無聯絡，2017有傾過偈，2019年6月吳xx打電話問彭在反修例有無出，回答放假會出，7.21之後一兩日，吳xx叫彭開會，佢想在7月27日吹大雞入元朗，搵鄉黑報仇，在D6許家樓下，康怡/康山附近，有彭、吳、許，開完會，陸續見返2014年識嘅人，7月27日前吳畀咗戰術背心、行山杖、防毒面具等器材，7月27日彭跟住吳班人入元朗，當日只係衝防線，完咗就各自離開；之後被招攬加入一個由大嚿(劉偉德)做金主嘅組織，成為其中一隊人，成員有吳(隊長)、彭、D6許、和Hans，另一隊係蜘蛛隊，Jack係隊長，唔知其他人。

8月27日，在旺角Red Mr 卡拉OK開會，大約夜晚11點去到，見到有吳xx、D6許、Hans，有兩個唔識，後知係張xx(阿文，Nelson)，和黃振強，講有大行動，要人去台灣軍訓約兩個星期，由大嚿俾錢，另有6千元津貼，2千買機票，得知七月份已經有兩批人去咗台灣，九月係第三批。當時無講大行動嘅內容，只係講軍訓，由退役嘅陸戰隊隊員安排訓練，無講清楚內容，話會好辛苦，唔好當去旅行，諗清楚先好去。

認人
去之前唔知有咩人去，去到台灣機場集合，就見到有吳xx、D2張、D5賴、D6許、張xx；主控問點知到“小熊維尼”就係D2張，和點知D2、D5的全名，彭解釋吳xx因應軍訓，開咗個「台灣按摩旅行團」TG群組，組員有小熊維尼，在法律文件知到佢全名，被補後在荔枝角收押所見過佢哋，件衫上面有全名，之後問警方證實。

軍訓
9月16~28日，到咗台灣彰化縣，入住常生(教官)的宿舍，彭與D2張同房；訓練有跑步、游水、舉重、引體上升等增強體力活動，有用刀和搶槍嘅搏鬥技巧，有去健身中心、柔道館、war game 場，有兩三日在高架橋底練槍，用真槍射把，各人都有試（主控多次問係咪各人都有參與各項活動，似乎係有目的），亦在橋底試做汽油彈，用玻璃樽、汽油、毛巾嚟做，但無點火；另外吳試咗一個鋁熱彈，掟落一架荒廢嘅電單車度，有起火和溶解金屬，唔知佢點整。

有講炸彈嘅原材料，彭識嘅有：丙酮、鹽酸、硝酸銨、過氧化氫，只係由常生口講。

自由活動期間，吳、D5賴、張有3～4次講點樣破壞迫政府，每次會同唔同人講，彭就無參與，會行開，唔會主動同佢哋傾偈，就算同房D2都無講嘢。

軍訓期間，大嚿嘅軍師阿星出現咗3日，在宿舍帶咗頭盔、盾牌、口罩返香港。

[10:25~10:53] 小休

彭軍壕有用Telegram ，名稱小恨，@小恨2289；主控叫彭睇文件Jury Bundle 3，黃振強電話的TG內容，試圖解釋，但不成功。

9月30日，吳揾咗彭去西環皇后街，一間似係律師樓嘅地方開會，有大嚿、阿星、和另一唔識嘅男子，講到在嚟緊嘅遊行，會用真槍和炸彈對付警察，吳會整TATP(烈性炸藥)，吳識人在美國，可以運槍到香港，但有一批被扣住咗，想在10月1日遊行用，但安全屋被警方監視，叫停咗計劃。

10月4日，吳在TG群組講構思掟鏹水彈，約彭在灣仔軒尼詩道一棟舊樓嘅旅館，租咗一間房，D5賴、D6許後到，吳、賴、許攞兩支750ml 鏹水、兩支洗石水上天台，預備在高空掟落去警察度，彭則落街買食物，預備一齊食，返到去見到鏹水仍然喺度，佢哋話終止咗，喪失時機，唔清楚點解。

到10月尾，吳在台灣群組講要低調，要保留實力，準備大行動；11月初吳通知彭，槍到咗，準備試槍；睇JB8，有“恨”和“接完紙鶴未”的TG私訊，彭估計“接完紙鶴未”係D5賴，因為“接完紙鶴未”在「行山討論區」出現，討論區有6個人：happy healer(黃振強)、恨(彭軍壕)、wing420(D6許)、接完紙鶴未(D5賴)，吳、professor(Hans)。

11月15日，吳叫彭去揾Jack攞對講機，再去攞炸藥，先去荔枝角永明街恆昌工業大廈，在一單位內攞咗四部對講機，離開之前在一個箱內見到手槍物體。跟住去咗石塘咀街市，等咗約個多小時，在西環山道公廁出面草叢攞咗一袋嘢，入邊有兩包，每包約1公斤嘅黃色粉末ANFO，知道係混合肥料炸藥，仲有一條一米長浸過藥水嘅引線，跟住搭的士去咗炮台山富澤花園，畀咗吳攞上屋企。

西貢試槍
11月16日22:15時，彭與D6許在太古城搭的士入西貢，23:30去到西灣亭，約24:00吳搭的士到；吳從背囊取出：3支裝滿子彈嘅Polymer80手槍，六個裝滿9mm子彈彈匣，一個空尖彈彈匣，一支AR15長步槍，20~30發5.56mm子彈，2kg ANFO 炸藥，兩部對講機。

整理好之後吳在涼亭放低一部對講機，打電話俾未到嘅人，話有一部對講機在涼亭，吳、許、彭就行咗上山等；
（主控引述TG對話中，有人可以提供無登記白二手電話，叫唔好開數據、Wi-Fi 、藍牙）
11月17日約00:30，等到D5賴、屠龍嘅D2張和D4李，會合之後由吳和許帶上山，行咗大概個半鐘，去到大浪村停低，離開咗大路行入隱蔽嘅地方，攞咗三支手槍出嚟上膛，彭就攞對講機行返出少少睇水，佢哋向前方草地開槍，聽到響咗五次，唔肯定係唔係每人試一槍。

見到吳有拍攝，控方播出三段TG中的影片，但彭唔能夠確定頭兩段；試完槍有執走子彈殼，無執彈頭，彈殼在沿途掉咗落海，再行多約20分鐘，在一個斜路試炸藥，彭行遠咗，睇唔清楚，見到吳點著引線，行返過嚟5米外，聽到好大爆炸聲，但乜都見唔到，試完向北潭坳行，到接近出口，吳取出手槍連15發子彈，俾咗D4李，去到北潭坳，叫咗兩部的士，吳、彭、許去港島，賴、張、李去九龍。

[12:30~12:55] 小休

11月17日晚，吳叫彭去幫張xx，彭搭的士去到公主道油站近愛民邨落車，因為封路，行到去近愛民邨搵張，幫佢睇水，張去接在下水道走出嚟嘅理大示威者。

過咗幾日，吳在TG講有槍手出咗事，一個槍手攞咗一支手槍，跟住失去聯絡，仲有嗰兩支又有問題，叫彭拎去畀維修員，但最終係由吳自己拎去。

講返轉頭在11月14日，D5賴提議去城大和浸大，爆開實驗室搵炸藥，同日晚上，張揸車接彭去，賴自己揸電單車去，先去城大學生宿舍，搵咗幾個學生，去浸大爆實驗室，再去城大，揾唔到要揾嘅嘢。

[13:40] 休庭，案件押後至明日(35/5) 08:45 續審。