一1. 由朝早到食晚餐，一直等待收信環節，終於等到，簽收一封信，簽完拎上手睇，呆咗，封信得3行。
啲囚友路過：「你朋友好有心啊」Minion B：「呢到兩蚊㗎！」個陣我成個腦都係：「點解呢？點解呢？下？下？」見到封信上面寫係第二封信，心諗：上一封都有半頁喎…然後姑娘再叫我簽收4封信，原來佢係寄咗2封，第二封先收到，第一封後收，但又迷惘多次。第二封信寫住：「今次寫我目前拎到嘅食譜畀你」
下一行署名。下？下？下？食譜呢？係咪特登寄3行話我知佢拎唔到食譜？-_-？？？？好迷-_-呢封信係來自其中一個親愛嘅蘿蔔，我要記低呢單嘢，之後鞭屍-v-2. 今日先知早幾日隔離倉打交，原因係負責掃地掃咗自己條行先，有囚友（ A ）以為佢唔掃A條行，就打交出拳個隻-_-。（解釋返先，我哋每張床隔離有2條行，一條自己一條人哋，擺嘢or坐地下只坐自己行，人哋行禁入）都唔明，加埋百幾歲，仲為咁小事打交，佢唔掃咪叫佢掃，佢都唔掃咪叫姑娘，又洗乜出拳
所以成日都話唔想調倉，調床，隔離倉啲人唔好相處。3. 睇其中一封信發現有好大嘅誤會，以為我哋呢到郁啲又鬧又鎖。
如果你識聽廣東話，話頭醒尾，根本唔會比人鬧。（鎖就另計，好易鎖，多1樣嘢就鎖）而我及Minions長期望住啲囚友比人鬧～點解比人鬧？有啲姑娘唔鍾意人傾偈。（
排隊時）一兩句佢哋會扮聽唔到，但囚友s好鍾意不斷傾，望住都唔收。 投訴啲無謂嘢，例如沖涼次序，佢哋好堅持跟床位-v-明明可私下解決。實際上～係無鬧呢part。（我無）
4. 今日寄咗29-30/6&1-3/7嘅日常，希望無寄失
係5日嘅份量。Local Yeah本土野
