#張慧玲法官
#1208灣仔 #1220大埔 #1208北角
#1208荃灣 #11月元朗
#審訊[41/70]
D1 張(23)（
已還押逾36個月）D2 張(21)（
已還押逾36個月）D3 嚴(21)（
已還押逾36個月）D4 李(24)（
已還押逾46個月）D5 賴(29)（
已還押逾43個月）D6 許(24)（
已還押逾35個月）D7 劉(24)
—————
控罪：(1) 串謀犯對訂明標的之爆炸 [D1~D6]
(2) 串謀導致相當可能會危害生命或對財產造成嚴重損害的爆炸（交替控罪） [D1~D6]
(3) 串謀謀殺 [D1~D6]
(4) 意圖危害生命而管有槍械或彈藥 [D4]
(5) 串謀提供或籌集財產以作出恐怖主義行為 [D7]
—————
控方代表： 外聘 #周凱靈大律師 、 #劉允祥 高級檢控官、 #伍永杰 高級檢控官
辯方代表：D1 #李國輔大律師 、 #于雋謙大律師
D2 #姚本成大律師 、 #陳雅琪大律師
D3 #梁鴻谷大律師 、 #柯愷欣大律師
D4 #林芷瑩大律師 、 #何正謙大律師
D5 #是香媛大律師 、 #余承熹大律師
D6 #陳偉彥大律師 、 #黃思希大律師
D7 #馬維騉大律師 、 #容潔礬大律師
==========
PW3 彭軍壕（第6日作供）
D2 #姚本成大律師 申請盤問，控方不反對
辯方盤問問在西貢試槍當日各人的衣著，彭只答到自己著黑衫黑褲，唔記得係著長袖或短袖，其他人的衣著全部唔記得；辯方播出試槍片段，見到有人右手開槍，係黑白間條長袖，彭唔知係邊個，辯方指是彭，他有份開槍，彭唔同意。
控方覆問
去台灣目的辯方問過去台灣軍訓與之後的行動有無關，彭回答無關，亦答過有關，解釋無關係當去健身，有關係有開槍訓練。
D6與台灣群組彭同意辯方指D6退出咗台灣群組，控方指出在12月8日D6又在群組發出訊息，彭稱唔知D6幾時又入返群組。
記憶 vs VRI辯方質疑彭在幾年後靠記憶在法庭講，吳xx在西灣亭攞晒啲槍出嚟，控方提出在第一次VRI 已經有講。
@engred彭曾經回答@engred 這名稱在法律文件見到，收文件與落口供好大距離，“好大距離”係指時間，彭在2020/4/8做NPS，在2021/11/22收文件。
去信DoJ彭指英文手寫信的內容，部份格式係抄文件，主體內容係由囚友起稿，他照抄，寄出前唔理解申請撤回控罪和留在法庭存檔的分別，直至今日主控解釋；寄出後，律師亦通知他，唔應該由他寫信俾DoJ，之後律師再出信。
彭軍壕 作供完畢————
傳召PW4 警員6314 楊立倫(音)
控方主問在2020年6月11日早上接受訓示，去上水古洞拘捕D4，去到由D4媽媽應門，PW4出示搜查令，但她唔識中文，由指揮官張督察用英文解釋。
屋宇有兩層，加埋約5000尺，上到上層一間房搵到D4，當時佢瞌埋眼坐在電腦枱前的凳上瞓緊覺，PW4叫醒D4，表露身份，講出目的，叫D4出示身份證明文件，他提供香港身份證，確認身份之後，作出快速搜身，宣佈拘捕，當時房間內還有三人：警署警長47780、警員5820、和警員13344。
PW4作出警誡，表示自己係有組織及三合會調查科A2隊，拘捕罪名係串謀意圖傷人，懷疑D4在2019年12月8日用槍和炸彈傷害警員。警誡之下，D4有回應。
D4：淨係去過西貢試槍，之後支槍俾返鴻仔，佢話要返支槍嚟做嘢。
PW4：去西貢試槍係咩意思？
D4：嗰日鴻仔俾支槍我，叫我試，我就照佢意思，向空地開咗一槍。
PW4：鴻仔係邊個？
D4：鴻仔係在西貢試槍先識，佢在12月8日被拉咗藏槍。
PW4：點解要試槍？
D4：鴻仔想試吓支槍可唔可以射到子彈？思源之後知道係真槍。
PW4解釋，以上的對話係D4講一句，他就在記事冊寫一句，每句畀D4睇、確認和簽名作實。警方有指引，警誡之後嘅說話係要記錄，紙張要保留，唔會有草稿，相對其他證人口供，可以有草稿，無要求保留草稿紙。控方展示PW4的警員記事冊相關內容。當日@10:20 發出被羈留人士通知書Pol 153；D4要求睇搜查令，因為不在PW4手上，通知隊員，隨後有人攞嚟，D4睇完表示明白。
主管指示PW4搜房間，由5820看守D4，唔知其他兩人做乜，他們無和D4講嘢，在電腦枱上搵到六部手機，一部iPad，一部電腦，全部檢取做證物，就住證物，再向D4作出警誡，問有無用TG，問電話/iPad/電腦的密碼，均有回答，有紀錄和簽名作實。@12:15 D4 在記事冊抄寫聲明和簽名。記事冊還紀錄咗在6月12日12:55，PW4再次返去D4家中，檢取一個綠色斜孭袋做證物。
[10:34~11:00] 小休
之後在房內等重點搜查隊到場，因為主管覺得地方大，要重點搜查隊到場協助，搜完D4房間之後，PW4帶住D4，跟住重點搜查隊去搜室內和室外，見證搜查過程。
約18:20，帶D4去落馬洲警署，過程中無作出打嚇氹，去到見值日官，之後PW4發出第二份Pol 153，因為已經相隔幾個鐘，要確保佢知道權利，影印記事冊副本給D4；再去上水警署做錄影會面VRI，去到交畀值日官看守，PW4去準備做VRI。
@21:22 PW4發出第三份Pol 153，因為之後要做VRI。
[11:28] 小休
[12:22] 因為播片的技術問題而延遲
播出VRI，全長約兩小時，播咗約一半。內容大概：
唔使律師陪同做VRI，警誡之下，講過「淨係去西貢試槍…」，試完槍之後，拎咗一支槍走，之後幾日都係袋喺身，有一日鴻仔在TG揾D4，要攞返支槍，約咗在在新蒲崗俾返佢，槍係屬於鴻仔，只係healer 叫D4拎。
如何組成屠龍小隊，隊員有咩人，唔知真名，形容各人外貌，healer 在10月尾11月初在群組問有無人去試槍，D4與小熊維尼話去，當日搭小巴入西貢，後轉的士，見到鴻仔和另外兩三個唔識嘅人，確認鴻仔係在12月8日被拉咗藏槍同一個人，由鴻仔帶領行山，行咗一兩個鐘，去到一處附近有士多的地方，鴻仔攞支手槍出嚟，對住空地射咗一槍，輪流一人試一支，試完鴻仔話有兩把有問題，一把OK，試完槍，執返三粒彈殼，掉咗落海，行返出去，在途中鴻仔攞咗炸彈出嚟試，係一堆粉末，插條引線點火就爆，佢事前無講試炸彈，時序係試槍、試炸彈、掉彈殻。
[13:25] 押後至明日(12/6) 08:45 續審。
