二1. 自從其中一個師傅疑似大假無返之後，我就一直做焊口罩繩，無再比師傅叫入口罩/數口罩。係間中叫我拎張紙搽下膠水貼落啲紙箱到，連箱都唔洗我幫手封。但我好怕不斷做重複嘅嘢，所以我製造做啲機會比自己行嚟行去
我行經Minion B身邊問佢辛唔辛苦，因為見佢轉左崗位，佢就問返我有咩做。我：「er…」佢：「努力做冗員？」我諗應該係XD一個看似勤力嘅冗員～2. 「你女仔嚟㗎，唔好成日講粗口，斯文啲啦」今朝囚友同我講，然後我又向佢發表我嘅「偉論」
一. 唔係做女仔就要斯文，性別定型啊？男仔一定藍色，女仔一定粉紅色啲friend ？
二. 粗口係香港語言文化嚟，粗口可以係嬲，驚嚇，開心，失望時使用，亦可以將唔同嘅粗口拼埋一齊用有唔同嘅意思，亦可夾係句子入面突出其重點！明明係好值得保留嘅獨特語言文化。（我向佢示範咗將唔同粗口拼埋一齊，佢好驚訝問： xx都得？ ）
三. 我啲粗口好收放自如，我可以每句都有，亦可以一句都無。
佢聽完之後無再叫我唔好講粗口，過咗陣佢講講下嘢話：「哎呀仆街」
然後我and Minion A：「你講粗口！」
Local Yeah本土野
