致有心寫信的大家
既然有心寫信，不如行多一步啦！
唔好寫罐頭信、唔好再用「To 手足」做開頭啦！
====================================
🗣：最近有單暴動判咗兩個手足，有個得二十歲咋，唉！好心痛啊
：係吖
你睇呢個手足封求情信，睇到都心痛，想安慰下佢...🗣：咦！不如你點名寫封信俾佢啊！我寫比另一個！
：好吖！咁我地就可以根據佢地背景興趣寫唔同內容啦！====================================
大家可以試下從新聞報導 / 求情信（更甚去旁聽）簡單了解手足背景，嘗試開展話題同手足做筆友。
好處：有個寫信對象作切入，更容易落筆、寫得更立體、有親切感（手足係有血有肉嘅人嚟架！）
E.g. 年齡 嘗試從手足嘅年齡層拓寬你寫信嘅話題
E.g. 學歷 /學科 可以了解下佢讀嘅學科，再分享下自己
E.g. 職業 、 家庭狀況
etc.
了解手足多少少先落筆都係一種尊重啊！仲可以留意埋手足嘅入冊日期，唔好寫錯嘢令佢地hard feeling ah~~ 例如有套戲佢地還押咗先播，你仲問佢睇咗未
咁樣就不太好啦！有用資訊
法庭線、獨媒、被捕人士關注組
咁寫完可以寄去邊啊？1. 寄信前可向各代寄平台查詢有冇該在囚手足資料（在囚編號 & 院所地址）
2. 如果真係冇平台代寄到俾個位你想寫信嘅手足可以點？
3. 案件編號幫到你！
可以將信寄去懲教署總部 或 懲教院所 就可以了！！！
謹記喺信封及信紙注明 案件編號 & 手足全名 & 年齡 & 性別
P.S.
IMPORTANT記得喺信紙寫回郵地址俾手足ah！#為人送暖不求回報
#每一封信每份心意
#城市如何高牆聳立總會偶遇突破阻隔的陪伴
封信子
