二 好多嘢都唔應該得把口
1. 我諗蚊貼，可以寫好多日//-v-// 今朝有姑娘話貼出嚟好醜叫我哋貼入面
話何解唔比我哋入蚊怕水/膏？又要介意張蚊貼咁搶眼。今日下午係老細更，貼返出面！老細見我對腳有貼重笑得好開心話：「車尾燈啊？」誰知我返返下工要去見心理組，有姑娘嚟接我去，個姑娘一見到我手袖個蚊貼就扯落嚟貼入面兼話我2句，個下老細望住（
老細送我出門口的）。好趕時間就走咗，當我返嚟個陣，老細話：「我特登為你張蚊貼打電話」我呆咗，心諗：係咪幫我打去問上頭係貼邊？我就問：「其實係咪唔貼得？」老細：「我打去話比佢知貼得啊！我話咗比㗎嘛！」原來係老細嬲個姑娘扯我個蚊貼&話我，所以打去「通知」佢
頂～老細好正～
我去緊心理組個陣有另一個小插曲，有另一個姑娘（
平時見佢都幾惡）見到我對「車尾燈」佢就截停我：「喂，你啲蚊貼做乜嘢？你唔可以貼成咁」我：「（一邊展示我隻腳的痕跡）我同咗xx （老細）姑娘講我比蚊咬得好勁，佢比我咁貼……」佢驚訝嘅眼睛
加轉左友善聲線：「你老細比啊，無事無事，你走啦。」忍唔住偷笑，到底我老細有幾惡。
2. 我去心理組唔係我唔開心，而係城大有個研究，好似叫咩探討在運青年價值與態度，我心諗：做乜嘢？咩事？下？唔要。
心理組姑娘見到我好疑惑，佢「話」院方唔會知我哋講過乜，到時唔錄音唔攝錄影。（但係用zoom//-v-//）
睇咗佢份過份簡短嘅簡介，話「協助」我哋，所以我嘅決定係：我要聽咗對方講解先會決定做唔做。
到時再update大家。
Local Yeah本土野
