《我的漫長staycation Week 21》
發表於 : 週日 10月 30, 2022 6:50 pm
《我的漫長staycation Week 21》
啊啊啊啊啊啊！ ！ ！好熱呀！！ 我要溶啦！點解呢個世界可以咁熱， 唔可以搵人幫我射個太陽落嚟啊……好想skip咗成個夏天佢，我仲要喺度過三個夏天，真係諗起都唔想做人了……
你哋一定喺冷氣房睇緊呢封信啦，我都好想嘆冷氣啊……今日去咗轉指模房同探訪室，總算涼咗個幾鐘冷氣，終於有凍嘅感覺…… 聽收音機講過話夜晚最適合嘅瞓覺氣溫係21度，而我哋呢度同21度係有段極大嘅距離 (o-▽-o) 但我依家仲未放棄鋪墊瞓，係咪好叻(o>V<o)
今個星期已經係W21 ，咁就5個月了zzz 其實喺呢度每個星期都好似過得好快咁，但拉長嚟睇真係一啲都唔快，感覺我與世隔絕真係唔知5個月……今日律師嚟搵我傾吓計，話恭喜我過咗六份一，但我覺得真係唔值得恭喜呀，5個月一啲都唔長，我在25個月要過……
佢話討論區間唔中都有講吓我，問我係咪好多fans寫信俾我，但講真真係唔多，今個星期刷新左我收信嘅新低，一星期兩封信，連續兩日都冇收過信……我諗我唔單只係冇fans，我直頭係冇朋友……一個人原來都可以盡興，就由得我自己單機啦～
上星期咪講過做嘢唔係太想嚟嘅，依家上手咗順利咗好多啦 (o-▽-o) 但係我車熟咗之後又要學車新嘢，真係祝我好運zzz 以後你哋見到嗰啲popo衫又唔少我都有份車㗎(∩‧▽‧∩)
呢個星期最震驚嘅新聞一定係屯元天大停電啦，為何受傷的總是大西北zzz 真係唔知我屋企到幾點先會有電……估唔到去到22年都仲會有呢啲大規模嘅停電發生……你哋屋企有冇停電？分享吓停電呢段時間點過(∩‧▽‧∩) 可惜我見證唔到呢個歷史時刻啦……
仲要好震驚嘅就係珍寶海鮮舫居然沉L左…… 估唔到一離開咗香港之後就一去不復返……不過老老實實，海鮮舫就算留喺香港又可以點安置呢？政府唔想理，海洋公園唔願收，講到尾都係覺得保育海鮮舫嘅使費太大，但帶嚟嘅經濟效益又唔夠高啦……不如一人諗一個改做海鮮舫嘅方法？我就覺得可以餐廳嘅位可以減半，另一半改建做俾人住嘅房，俾人book做staycation～ 可以整埋啲食+住嘅package，一定會賺到笑(o>V<o) 以上建議純屬9up，係完全無視嗰啲商業用途條例嘅 (o-▽-o)
車聞方面西女人好似想唔撈？定已經辭咗職？始終都係油王嘅人，跟住佢走都理解嘅……以前覺得西女人數口好精，講價好叻，但今季真係處理得太差，成條後防線都續唔到約……不過我覺得高價買盧卡古呢件事唔怪佢，畢竟冇人諗起佢喺國米踢到識飛，返到英超會變成咁，證明我當初反佢係冇錯嘅zzz 求神拜佛佢返國米之後就唔好再搞9我轟啦 (o-▽-o)
依家已經係星期六聽橙咇咇嘅時間，終於到放假時間啦！ (o-▽-o) 聽日打算好好善用放假時間，朝早寫信晏晝做功課，希望聽日可以做好份功課啦……我嘅拖延症真係好嚴重，開咗學成個月我都冇掂過啲資料…
啊！ ！ ！世界末日啦！強大人收唔到我哋嘅信呀！！好唔開心呀！！有冇人可以點下歌俾我聽？呢兩個星期我點咗過客，酷兒同心酸，希望我有機會聽到啦……
過多幾日就到七一，我比較有興趣知嘅係到底維穩show嘅嘉賓有咩人？ 想知如果鏡仔有份嘅話仲反唔反得(o-▽-o) Anyway 又有假放，感謝國家！(o-▽-o)
聽日又有得食薯仔同飲奶茶啦！一定會係好日嚟嘅啫！講住咁多先，下星期再見＜3
Good Night！！ 記得掛住我(∩‧▽‧∩)
Kristy
27/06/22
Kristy Laihing
啊啊啊啊啊啊！ ！ ！好熱呀！！ 我要溶啦！點解呢個世界可以咁熱， 唔可以搵人幫我射個太陽落嚟啊……好想skip咗成個夏天佢，我仲要喺度過三個夏天，真係諗起都唔想做人了……
你哋一定喺冷氣房睇緊呢封信啦，我都好想嘆冷氣啊……今日去咗轉指模房同探訪室，總算涼咗個幾鐘冷氣，終於有凍嘅感覺…… 聽收音機講過話夜晚最適合嘅瞓覺氣溫係21度，而我哋呢度同21度係有段極大嘅距離 (o-▽-o) 但我依家仲未放棄鋪墊瞓，係咪好叻(o>V<o)
今個星期已經係W21 ，咁就5個月了zzz 其實喺呢度每個星期都好似過得好快咁，但拉長嚟睇真係一啲都唔快，感覺我與世隔絕真係唔知5個月……今日律師嚟搵我傾吓計，話恭喜我過咗六份一，但我覺得真係唔值得恭喜呀，5個月一啲都唔長，我在25個月要過……
佢話討論區間唔中都有講吓我，問我係咪好多fans寫信俾我，但講真真係唔多，今個星期刷新左我收信嘅新低，一星期兩封信，連續兩日都冇收過信……我諗我唔單只係冇fans，我直頭係冇朋友……一個人原來都可以盡興，就由得我自己單機啦～
上星期咪講過做嘢唔係太想嚟嘅，依家上手咗順利咗好多啦 (o-▽-o) 但係我車熟咗之後又要學車新嘢，真係祝我好運zzz 以後你哋見到嗰啲popo衫又唔少我都有份車㗎(∩‧▽‧∩)
呢個星期最震驚嘅新聞一定係屯元天大停電啦，為何受傷的總是大西北zzz 真係唔知我屋企到幾點先會有電……估唔到去到22年都仲會有呢啲大規模嘅停電發生……你哋屋企有冇停電？分享吓停電呢段時間點過(∩‧▽‧∩) 可惜我見證唔到呢個歷史時刻啦……
仲要好震驚嘅就係珍寶海鮮舫居然沉L左…… 估唔到一離開咗香港之後就一去不復返……不過老老實實，海鮮舫就算留喺香港又可以點安置呢？政府唔想理，海洋公園唔願收，講到尾都係覺得保育海鮮舫嘅使費太大，但帶嚟嘅經濟效益又唔夠高啦……不如一人諗一個改做海鮮舫嘅方法？我就覺得可以餐廳嘅位可以減半，另一半改建做俾人住嘅房，俾人book做staycation～ 可以整埋啲食+住嘅package，一定會賺到笑(o>V<o) 以上建議純屬9up，係完全無視嗰啲商業用途條例嘅 (o-▽-o)
車聞方面西女人好似想唔撈？定已經辭咗職？始終都係油王嘅人，跟住佢走都理解嘅……以前覺得西女人數口好精，講價好叻，但今季真係處理得太差，成條後防線都續唔到約……不過我覺得高價買盧卡古呢件事唔怪佢，畢竟冇人諗起佢喺國米踢到識飛，返到英超會變成咁，證明我當初反佢係冇錯嘅zzz 求神拜佛佢返國米之後就唔好再搞9我轟啦 (o-▽-o)
依家已經係星期六聽橙咇咇嘅時間，終於到放假時間啦！ (o-▽-o) 聽日打算好好善用放假時間，朝早寫信晏晝做功課，希望聽日可以做好份功課啦……我嘅拖延症真係好嚴重，開咗學成個月我都冇掂過啲資料…
啊！ ！ ！世界末日啦！強大人收唔到我哋嘅信呀！！好唔開心呀！！有冇人可以點下歌俾我聽？呢兩個星期我點咗過客，酷兒同心酸，希望我有機會聽到啦……
過多幾日就到七一，我比較有興趣知嘅係到底維穩show嘅嘉賓有咩人？ 想知如果鏡仔有份嘅話仲反唔反得(o-▽-o) Anyway 又有假放，感謝國家！(o-▽-o)
聽日又有得食薯仔同飲奶茶啦！一定會係好日嚟嘅啫！講住咁多先，下星期再見＜3
Good Night！！ 記得掛住我(∩‧▽‧∩)
Kristy
27/06/22
Kristy Laihing