3 July 2022 記《第三帝國》的語言 By Victor Klemperer
發表於 : 週日 10月 30, 2022 6:51 pm
3 July 2022
記《第三帝國》的語言 By Victor Klemperer
好耐無寫字啦，今次係想紀念一下早排終於睇完呢本書，呢本書有咩咁特別呢？其實純粹係因為我屋企人入咗殘體字版本俾我=.= 一見到係殘體字嘅時候即刻心諗大檸樂，又殘體字啲字體又勁細粒，再加上as一個理科人嘅我要睇呢本從語文學上出發嘅書，理解上本身都已經有一定難度，但本書我自己又勁想睇，所以都有掙扎過究竟棄唔棄書好。經過同本書一輪搏鬥，早前我終於睇得完本書啦！Mission accomplished! 睇殘體字書技能解鎖。慶幸自己起初唔選擇棄書而選擇即使係殘體都堅持嘗試，有時真係唔能夠俾太多presumptions自己，邊個話殘體字就一定睇唔到落去？
簡單講返本書係講乜先，就係由筆者，一個猶太裔德國語文學者，喺二戰期間記錄並且分析當時國家社會主義分子如何利用欺騙性嘅文化學，包括不同嘅詞語甚至標點符號，嚟經營佢哋嘅計劃。詳細就唔多講啦，因為呢本書to be honest係一本幾難睇同難明嘅書，所以我實在自覺無信心話自己理解咗好多，但有一種wow嘅感覺係，一段歷史briefly嘅經過可能大家都知，但真正要理解一段歷史，可以從非常多唔同角度（包括今次語言學嘅角度）去分析，例如二戰呢段歷史除咗深感係一段慘痛經歷之外，我哋有無去嘗試理解究竟當初德國整個國家點解可以被納粹所妖惑。所以睇完呢本書最大嘅感想真係覺得自己識嘅嘢、知嘅嘢實在太少，需要讀嘅書實在太多，希望做到「學，然後知不足」，「知不足，然後能自反也」。
題外話，講開自己係理科底，之前喺電台聽到講開文科vs理科呢個問題。說實話，呢幾年一直有唔多唔少後悔自己當年揀咗理科，會想像如果自己讀文科的話視嘢可以闊少少(?) 大學揀科亦都可以有更多唔同嘅選擇(?) 不過諗諗吓，理科嘅世界又有理科嘅得意嘢，同時訓練邏輯思考，西方科學原來都叫做natural philosophy。所以其實都冇得後悔咁多，唯有依家將勤補拙啦。
最後，早前衡量過風險後作出左一個唔容易嘅選擇，但我依然會繼續寫字，因為寫字對喺呢度嘅我嚟講，係一個紓解心中所困嘅途徑。「窒息得張不開口 靈魂在腦內不會抹走 身軀再渺小都可撐到最久 用兩手抵擋氣流」黎自一首近排我都幾鍾意嘅歌 —《I‘ll Be Fine》by One Promise
U上
walkwithu
記《第三帝國》的語言 By Victor Klemperer
好耐無寫字啦，今次係想紀念一下早排終於睇完呢本書，呢本書有咩咁特別呢？其實純粹係因為我屋企人入咗殘體字版本俾我=.= 一見到係殘體字嘅時候即刻心諗大檸樂，又殘體字啲字體又勁細粒，再加上as一個理科人嘅我要睇呢本從語文學上出發嘅書，理解上本身都已經有一定難度，但本書我自己又勁想睇，所以都有掙扎過究竟棄唔棄書好。經過同本書一輪搏鬥，早前我終於睇得完本書啦！Mission accomplished! 睇殘體字書技能解鎖。慶幸自己起初唔選擇棄書而選擇即使係殘體都堅持嘗試，有時真係唔能夠俾太多presumptions自己，邊個話殘體字就一定睇唔到落去？
簡單講返本書係講乜先，就係由筆者，一個猶太裔德國語文學者，喺二戰期間記錄並且分析當時國家社會主義分子如何利用欺騙性嘅文化學，包括不同嘅詞語甚至標點符號，嚟經營佢哋嘅計劃。詳細就唔多講啦，因為呢本書to be honest係一本幾難睇同難明嘅書，所以我實在自覺無信心話自己理解咗好多，但有一種wow嘅感覺係，一段歷史briefly嘅經過可能大家都知，但真正要理解一段歷史，可以從非常多唔同角度（包括今次語言學嘅角度）去分析，例如二戰呢段歷史除咗深感係一段慘痛經歷之外，我哋有無去嘗試理解究竟當初德國整個國家點解可以被納粹所妖惑。所以睇完呢本書最大嘅感想真係覺得自己識嘅嘢、知嘅嘢實在太少，需要讀嘅書實在太多，希望做到「學，然後知不足」，「知不足，然後能自反也」。
題外話，講開自己係理科底，之前喺電台聽到講開文科vs理科呢個問題。說實話，呢幾年一直有唔多唔少後悔自己當年揀咗理科，會想像如果自己讀文科的話視嘢可以闊少少(?) 大學揀科亦都可以有更多唔同嘅選擇(?) 不過諗諗吓，理科嘅世界又有理科嘅得意嘢，同時訓練邏輯思考，西方科學原來都叫做natural philosophy。所以其實都冇得後悔咁多，唯有依家將勤補拙啦。
最後，早前衡量過風險後作出左一個唔容易嘅選擇，但我依然會繼續寫字，因為寫字對喺呢度嘅我嚟講，係一個紓解心中所困嘅途徑。「窒息得張不開口 靈魂在腦內不會抹走 身軀再渺小都可撐到最久 用兩手抵擋氣流」黎自一首近排我都幾鍾意嘅歌 —《I‘ll Be Fine》by One Promise
U上
walkwithu